Aqtóbede shetel azamaty iri kólemdegi esirtkimen ustaldy, – dep habarlaıdy Polisia.kz.
2020 jylǵy 25 qarashada Aqtóbe qalasynda “Quqyqtyq tártip” jedel aldyn alý is-sharasyn ótkizý kezinde polısııa qyzmetkerleri “Qalalyq prokýratýra” baý – baqsha ujymynyń janynda “Mitsubishi Galant” markaly jeke avtokólikti toqtatty. Onda 33 jastaǵy jolaýshy, О́zbekstan Respýblıkasynyń azamaty K.-dan polısııa qyzmetkerleri jalpy salmaǵy eki keliden asatyn “marıhýana” esirtki zaty bar paketti tárkiledi. Ýaqytsha turǵylyqty jeri boıynsha sanksııalanbaǵan tintý barysynda azamat Kırpıchnyı kentiniń aýdanynda jazǵy as úıdegi avtomobıl shınalarynyń ishinen skotchpen jelimdelgen bir paket tabylyp, tárkilendi. Onyń ishinde salmaǵy segiz keliden asatyn “marıhýana” esirtki zaty bolǵan.
Atalǵan fakti boıynsha QR QK 296-baby (Esirtki zattaryn asa iri mólsherde ótkizý) boıynsha sotqa deıingi tergeý bastaldy. Ustalǵan azamat Aqtóbe qalasynyń ýaqytsha ustaý ızolıatoryna qamaldy.
Aqtóbe oblysy PD qyzmetkerleri jyl basynan beri 300 esirtki qylmysyn anyqtady, onyń ishinde 83 esirtki qylmysy, 500 keliden astam esirtki tárkilendi.