14-19 jeltoqsan aralyǵynda Almatydaǵy «Almaty Arena» sport kesheninde mánerlep syrǵanaýdan Qazaqstan chempıonaty ótedi dep habarlaıdy Olympic.kz.
Týrnırde sanıtarlyq-epıdemıologııalyq talaptar tolyq saqtalady. Atap aıtar bolsaq, jarysqa júz adamnan artyq qatystyrylmaıdy. Sondaı-aq, indettiń aldyn alý maqsatynda zalǵa kórermender jiberilmeıdi. Árbir komandada 12 sportshy, 4 bapker jáne 1 tóreshi bolýy mindetti. Tek qana Almaty men Nur-Sultan komandalarynyń quramy 16 adamǵa deıin keńeıtilgen.
Aıta ketelik, mánerlep syrǵanaýdan Qazaqstan chempıonatynyń jeńimpazdary men júldegerleri medalmen jáne arnaıy syılyqtarmen marapattalady.