KEDENDIK ShEKARADAǴY QAÝIPSIZDIK

Qyrǵyz Respýblıkasy aýma­ǵyn­daǵy bolyp jatqan saıası turaqsyzdyqqa baılanysty Jambyl oblysy boıynsha kedendik baqylaý departamenti tarapynan arnaıy buıryqpen keden shekarasy aýmaǵyndaǵy qaýipsizdikti qamtamasyz etý sharalary qolǵa alynyp, birqatar jumystar atqarylýda. Naqty aıtar bolsaq, departa­ment bastyǵynyń mindetin atqarýshy Erqabyl Qojbanov­tyń buıryǵymen Jambyl oblysy aýmaǵyndaǵy kedendik baqylaý aımaqtaryna departa­ment­tiń kontrabandaǵa qarsy kúres basqarmasy, ishki qaýip­sizdik bóliminiń qyzmetkerleri, Qazaq­stan Respýblıkasy UQK shekara qyzmeti men basqa da quqyq qorǵaý organdarymen biri­ge oty­ryp, “Qordaı”, “Sypa­taı ba­tyr”, “Aısha bıbi” keden beket­teri men olarǵa qarasty baqy­laý-ótkizý pýnkt­terinde jedel-bógeý sharalaryn júrgizýde. Qyrǵyzstandaǵy shıelenisti jaǵdaıdy bas paıdasyna jara­typ qalýǵa tyrysýshylar da joq emes. 9 sáýirde “Qordaı” keden beketinde Ázirbaıjan Respýblı­kasynyń azamatyn tekserý kezin­de kedendik resimdelmegen 317 dana tehnıkalyq almas tas, 1 sý tasy jáne monshaqtar tabylǵan. Sondaı-aq, sol kúni Qyrǵyz Res­pýblıkasynan Qazaq­stan Res­pýblıkasyna bet alǵan azamatsha kedendik resimdeýdiń jeńildetilgen túri boıynsha zańnamalardy buza otyryp, altynnan jasalǵan 7 dana alqa, 9 dana áıelder saqınasy, 1 dana erler saqınasy, 4 par syrǵa jáne 5 dana altyn bilezik pen kýlondardy alyp ótpek bolǵan jerinde quryqtaldy. Bul faktiler boıynsha elimiz QK-niń 209-baby boıynsha qylmystyq is qozǵalyp, arnaıy oryndarǵa joldandy. Kedendik shekaradaǵy qaýipsizdik sharalary odan ári qatań qadaǵalaýǵa alynýda. Kósemáli SÁTTIBAIULY, Jambyl oblysy.