Sybaılas jemqorlyqqa qarsy is-qımyl agenttigi Atyraý oblysy ákiminiń birinshi orynbasary men Qurylys basqarmasynyń basshysyna qatysty qylmystyq isti sotqa deıingi tergep-tekserýdi aıaqtady. Bul týraly agenttiktiń baspasóz qyzmeti habarlady.
Olar Atyraý oblysy Jylyoı aýdanynyń Qulsary qalasyndaǵy 200 oryndyq jańa aýrýhana keshenin paıdalanýǵa qabyldaý aktisine qol qoıýǵa járdemdeskeni jáne jalpy qamqorlyǵy úshin aldyn ala sóz baılasý arqyly bir top adammen 185 mln teńge somasynda asa iri kólemde para alýda kúdikti boldy. Aǵymdaǵy jyldyń 3 jeltoqsanynda qylmystyq is Atyraý oblysynyń qylmystyq ister jónindegi mamandandyrylǵan aýdanaralyq sotyna joldandy. Kúdiktiler kinásiniń deńgeıi týraly túpkilikti sheshimdi sot shyǵarady.