Tuńǵysh Prezıdent kúni qarsańynda Ishki ister mınıstri Erlan Turǵymbaev Aqmola oblysy Aqkól aýdanynyń Eńbek aýylyna bardy. Bul týraly Polisia.kz baǵdarlamasynyń kezekti shyǵarylymynda aıtyldy.
Mınıstr ýchaskelik polısııa pýnktiniń jəne ýchaskelik ınspektordyń jumysymen, sondaı-aq, osy polısııa ýchaskesine qosylǵan aýyldyń beınebaqylaý júıesimen tanysty.
Erlan Turǵymbaev Memleket basshysynyń Qazaqstan halqyna Joldaýynda ýchaskelik polısııa ınspektorlaryna basty ról beriletin “qadamdyq qoljetimdiliktegi polısııa” qaǵıdaty boıynsha jergilikti polısııa qyzmetine reforma júrgizýge nazar aýdarylǵanyn eske saldy.
Mınıstr Eńbek aýylyna kelý sebebin de atap ótti. Munda jergilikti atqarýshy organdar men kásipkerlerdiń kómegimen quqyqtyq tártip pen azamattardyń qaýipsizdigin qamtamasyz etý úshin barlyq jaǵdaı jasalǵan.
“Ýchaskelik polısııa pýnktine aýyl boıynsha mádenı jáne bilim berý mekemelerinde ornatylǵan 100 beınekamera qosylǵan. Aýyldaǵy kameralardyń arqasynda jyl basynan beri 50 əkimshilik quqyq buzýshylyq anyqtaldy”, – dep atap ótti vedomstvo basshysy.
Sonymen qatar, mınıstr ýchaskelik ınspektorǵa aýyldaǵy quqyqtyq tártipti saqtaýǵa kómektesetin eriktilermen kezdesti. Olarǵa qoǵamdyq tártipti saqtaýǵa belsendi qatysqany jáne ishki ister organdaryna azamattardyń qaýipsizdigi men tynyshtyǵyn qamtamasyz etýge kómekteskenderi úshin alǵys aıtyp, gramotalarmen marapattady.
“Bıylǵy jyldyń basynda qar qursaýynan zardap shekken myńdaǵan júrgizýshiler men jolaýshylardy qutqarý kezinde Eńbek aýylynyń eriktileri polıseılermen birlesken jumystyń ozyq úlgisin kórsetti. Sonymen qatar, eriktiler ýchaskelik ınspektorǵa qylmystyń aldyn alýǵa belsendi túrde kómektesedi. Osyndaı oń tájirıbeni biz árbir ákimge jetkizip, búkil el boıynsha engizetin bolamyz”, – dedi Erlan Turǵymbaev.
Memleket basshysy jarııalaǵan “Eriktiler jyly” aıasynda mınıstrlik 3,5 myń eriktimen ózara is-qımyldy keńeıtý boıynsha jumys júrgizýde. Olar búginde adamdardy izdeýge jáne qutqarýǵa, nashaqorlyqtyń aldyn alýǵa, turmystyq zorlyq-zombylyq qurbandarymen jumys isteýge, sondaı-aq, sottalǵandardy qaıta áleýmettendirýge belsendi túrde qatysady.
Olar tótenshe jaǵdaı rejımi kezinde ortaq iske úlken úles qosty. Osy ýaqytqa deıin myńǵa jýyq erikti karantın sharalarynyń saqtalýyn baqylap, polısııaǵa kómek kórsetýde.
Qazirgi ýaqytta eriktilerdiń quqyq buzýshylyqtardyń aldyn alýǵa qatysý aıasyn keńeıtý boıynsha sharalar qabyldanýda.