Nur-Sultan qalasynyń ákimi Dúkenuly kóshesi, 21 (Saryarqa aýdany) meken-jaıy boıynsha ornalasqan úıdiń turǵyndarymen kezdesti. Bul týraly Altaı Kólginov óziniń "Instagram" paraqshasynda jazdy, dep habarlaıdy elorda ákimdiginiń resmı saıty.
"Qalanyń eski bóliginde keıbir aýdandar edáýir eskirgen. Jaılylyqqa erekshe kóńil bólemiz: turǵyn úılerdi jóndep, turǵyndar úshin úlken aýlalar, saıabaqtar men skverler salamyz, apatty úılerdi buzamyz.
Búgin Dúkenuly kóshesi, 21 meken-jaıy boıynsha ornalasqan úıdiń turǵyndarymen kezdestim. Bes qabatty jataqhana 1966 jyly salynǵan, shamamen 170 bólme bar. 600-ge jýyq adam turady. Turǵyndarda elektr, sý, kárizge qatysty máseleler týyndaıdy. Sonymen birge ǵımarat ishi sýyq, bul densaýlyqqa, ásirese balalar men aǵa býynǵa teris áser etedi. Úıge tehnıkalyq tekserý júrgizý kezinde tozý 60% - dan astamdy quraıtyny anyqtaldy, ǵımarat apatty dep tanyldy. Ol tizimge qosyldy.
Turǵyndarmen kezdesý barysynda tizimge 90 jyl buryn salynǵan apatty úıler de engizildi. Osy jyldyń sońyna deıin TKSh jańǵyrtý baǵdarlamasy aıasynda jóndelgen kóppáterli turǵyn úı keshenderiniń jalpy sany 50-den assa, 100-ge jýyq lıft jóndelip, aýystyrylady", - dep jazdy Altaı Kólginov.