«Sıfrlyq Qazaqstan» memlekettik baǵdarlamasy aıasynda eldimekenderdi ınternetke qol jetimdiligin qamtamasyz etý isi Jarma aýdanynda erekshe qarqyn alyp otyr.
Aýyldyq jerlerdi keń jolaqty ınternetpen qamtýdy jalǵastyrý úshin 2018-2022 jyldar arasynda talshyqty-optıkalyq jáne LTE jelilerin kezeń-kezeńmen salý isi júzege asyp jatyr.
2019 jyly Jarma, Sýyqbulaq, Jańǵyztóbe kentteri jáne Qapanbulaq,Shalabaı, Jańaózen, Úshbıik aýyldary talshyqty-optıkalyq jelige qosylǵan bolatyn. Iаǵnı, mundaǵy jergilikti ákimdik pen densaýlyq saqtaý jáne bilim berý nysandary qamtyldy. Josparly jumysqa sáıkes osy jyly ekinshi kezeń – LTE standartyndaǵy mobıldi jeli arqyly 6 aýyldy ınternetpen qamtý josparlanǵan. Búgingi tańda Belterek aýylynda uıaly baılanys qurylǵysy ornap, qosylý aldynda tur. Al Birlik aýylynda turǵyndar talshyqty-optıkalyq jelige qosylýda. Sonymen birge uıaly telefon baılynysy jelisin tartý jumystary júzege asady.
Kúni keshe ǵana Qyzylaǵash aýylyna uıaly baılanys jelisi tartylsa, buǵan deıin Jaryq aýylynda iske qosylǵan bolatyn. Atalmysh aýyl turǵyndary uıaly telefon baılanysyna qol jetkizip, ǵalamtor jelisine qosylýlaryna múmkindik týdy. Endi Jarma kenti men Kishi Qarasý aýyldaryn uıaly baılanyspen qamtý isi kezegin kútip tur. Aldaǵy ýaqytta Bojyǵur, Birlikshil jáne Qaratóbe aýyldyq okrýgteri de nazarǵa alynady.
Shyǵys Qazaqstan oblysy
Jarma aýdany