2020 jyldyń basynan bastap Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti 85,2 mln shabaqty balyqtyń qyrylý qaýpi bar jáne sý qoımalarynan, sondaı-aq elimizdiń kúrish chekterinen qutqarý jumystaryn júrgizdi, dep habarlaıdy Egemen.kz mınıstrliktiń baspasóz qyzmetine silteme jasap.
Bul jumysqa balyq sharýashylyǵy sýbektileri, eriktiler, sondaı-aq kúrish ósiretin uıymdardyń ókilderi qatysty. Nátıjesinde, Atyraý oblysynda 56,7 mln balyq, Túrkistan oblysynda – 10,3 mln, Qyzylorda oblysynda – 8,3 mln, basqa óńirlerde – 9,9 mln shabaq balyq qutqaryldy.
Qutqarylǵan balyqtardyń túrlik quramy-sazan, aqmarqa, móńke, qarǵa, qumaı, osman, kókserke, alabuǵa, shortan, tuqy, taban, torta, ońǵaq.
Balyq resýrstaryn saqtaý boıynsha is-sharalardy ótkizýge 851 adam jáne 153 birlik tehnıka jumyldyryldy.
Ihtıologtardyń málimetteri boıynsha Qazaqstanda balyqtyń 100-den astam túri mekendeıdi. Olardyń 70-i ónerkásiptik qundylyqqa ıe, 18 túri Qazaqstannyń Qyzyl kitabyna engizilgen.