Senat depýtaty Dınar Nóketaeva vıdeokonferens baılanysy arqyly Ortalyq Azııa jáne Aýǵanstan elderinde áıelder men qyzdarǵa qatysty zorlyq-zombylyqtyń barlyq túrin joıýǵa arnalǵan "Spotlight Initiative" jańa aımaqtyq baǵdarlamanyń tusaýkeser rásimine qatysty, dep habarlaıdy Egemen.kz
"Spotlight" ("Jaryq sáýlesi") bastamasy 2030 jyly áıelderge qatysty zorlyq-zombylyqtyń barlyq túrin joıý úshin Eýropalyq Odaq pen Birikken Ulttar Uıymy arasynda jahandyq uzaq merzimdi seriktestikti usynady.
Aımaqtyq baǵdarlama Ortalyq Azııadaǵy bes memleket pen Aýǵanstandaǵy 35 mıllıonǵa jýyq áıel men qyzdarǵa qatysty zorlyq-zombylyqqa tosqaýyl qoıýǵa arnalǵan birleske is-qımyldy kúsheıtýdi kózdeıdi.
Baǵdarlama aıasynda memleketter arasynda tájirıbe almasý, zorlyq-zombylyqqa qarsy is-qımyl úshin birlesken jumys baǵdaryn ázirleý jáne áıelder arasynda seksýaldy jáne turmystyq zorlyq-zombylyqtyń taralýy týraly málimetterdi jınaqtaýdyń jalpy ádisin daıyndaý máseleleri qarastyrylǵan.
Baǵdarlamanyń úılestirýshisi BUU-nyń Qazaqstandaǵy Turaqty úılestirýshisiniń keńsesi ekenin atap ótken jón.