«Jeńgetaılyq» – kádimgi kásip kózi, jeńil jolmen aram aqsha tabýdyń bir ádisi. Qoǵamdaǵy azǵyndyq. Basqa ne?! Jýyqta Shyǵys Qazaqstan oblysynda «STOP trafık» jedel aldyn alý sharasy kezinde «jeńgetaılyqpen» aınalysyp júrgen 3 adam ustaldy.
Oblystyq Polısııa departamenti krımınaldyq polısııa basqarmasynyń qyzmetkerleri О́skemen qalasynyń aýmaǵynda ıntımdik qyzmet kórsetip júrgen 15 áıeldi anyqtaǵan. Qylmystyq Kodekstiń 449-baby, ıaǵnı qoǵamdyq tártipti saqtaý jáne qoǵamdyq qaýipsizdikti qamtamasyz etý jónindegi qyzmet atqarý qaǵıdalaryn buzý boıynsha 25 ákimshilik hattama toltyryldy. Sondaı-aq klıentterge jeńil júristi qyzdardy usynyp, jeńgetaılyqpen aınalysqan 60, 43 jáne 20 jastaǵy saýna ákimshileri ustalǵan.
– Atalǵan fakti negizinde Qylmystyq kodekstiń 309-baby, 1-bóligi boıynsha sotqa deıingi tergeý amaldary bastaldy, – deıdi oblystyq Polısııa departamentiniń bastyǵy Saǵat Mádıev.
Bul atalǵan faktiler az bolǵandaı, jedel aldyn alý sharasy kezinde jezókshelikpen aınalysýǵa tartý jaǵdaıy tirkeldi. Anyqtalǵandaı, 22 jastaǵy kúdikti qazan aıynyń basynda 18 jastaǵy boıjetkendi ıntımdik qyzmet kórsetýge úgittegen. Qazirgi ýaqytta oǵan qatysty Qylmystyq kodekstiń 308-baby, 1-bóligimen tergeý amaldary júrgizilýde. Demek, tán satý jolyna shaqyrýdyń ózi qylmys.
Esterińizde bolsa, kúzdiń kúni Semeıde ıntım qyzmet kórsetken 16 qyz ustalyp, aıyppul arqalaǵan bolatyn.
Shyǵys Qazaqstan oblysy