Keshe polıseılerge qala turrǵyny habarlasyp, jeke úılerdiń birinen belgisiz er azamattyń máıiti tabylǵandyǵy týraly habarlama kelip tústi. Bul aqparat boıynsha Qyzylorda qalalyq Polısııa basqarmasynyń krımınaldyq polısııa bóliminiń tájirıbeli qyzmetkerlerinen dereý jedel-tergeý toby quryldy.
Tergeý barysynda qylmysqa qatysy bar kúdiktilerdi izdestirý boıynsha birqatar jumystar atqardy. Qyzylorda qalasy PB polısııa qyzmetkerleriniń kásibı biliktiliginiń arqasynda, kezekshi táýlikte 1998 jáne 1986 jyly týǵan eki kúdikti er adam quryqtaldy. Kúdiktiler qala aýmaǵynda jasyrynyp, qashyp júrgen. Qazirgi ýaqytta olar qamaýǵa alynyp, Qyzylorda qalasy PB ýaqytsha ustaý ızolıatoryna qamaldy.
Atalǵan derek boıynsha Qazaqstan Respýblıkasy Qylmystyq kodeksiniń 99-baby 2-bóligi (Adam óltirý) boıynsha qylmystyq is qozǵaldy. Oqıǵanyń mán-jaılary anyqtalýda, tergeý áreketteri júrgizilýde.