Elordada «Aýyl» Halyqtyq-demokratııalyq patrıottyq partııasynyń tizimimen Parlament Májilisine usynylǵan kandıdattar Bahargúl Tólegen jáne Áıgerim Kókeeva, sondaı-aq Nur-Sultan qalasy máslıhatynyń depýtattyǵynan úmitkerler Farhat Engıshev pen Altynaı Elýbaeva qolóner sheberlerimen kezdesti.
Bahargúl Tólegen «Ádemi-Aı» kompanııasynyń prezıdenti bolsa, Áıgerim Kókeeva – «Aýyl» partııasy jastar qanatynyń jetekshisi.
Aıta keteıik, búginde saılaýǵa qatysatyn saıası uıymdardyń arasynda qandastardyń problemasyn óz saılaýaldy baǵdarlamasyna bólek baǵyt retinde qosqan tek «Aýyl» partııasy ǵana. B.Tólegenniń aıtýynsha, qazirgi kezde qandastarǵa memleket tarapynan jeńildetilgen, kepilsiz nesıeler qarastyrylmaǵan.