Almatyda Qazaqstan Halyq partııasynyń ókilderi qaladaǵy orta mektepterdiń, sondaı-aq kolledjder men joǵary oqý oryndarynyń pedagogterimen jáne oqytýshylarymen kezdesti. Is-shara «Táýelsizdik. Memleket. Áleýet» taqyrybynda ótti.
QHP ókilderiniń pikirinshe, Qazaqstandaǵy bilim berýdiń negizgi problemasy – onyń qoljetimsizdigi. Partııa músheleriniń aıtýynsha, teorııalyq turǵydan alǵanda elimizde barlyǵyna tegin orta bilimge kepildik berilgenimen, keı jerlerde sapaly bilim tek elıta ókilderine ǵana arnalǵany baıqalady.
– Kez kelgen bala, mekteptiń ár túlegi ózderi qalaǵan bilimge qol jetkizýi kerek, – dedi QHP Almaty qalalyq fılıalynyń jetekshisi Á.Shapenov. – О́kinishke qaraı, qazir Qazaqstandaǵy bilim eń daryndy balalarǵa emes, daıyndyǵy joǵary balalarǵa baǵyttalǵan.