Memleket basshysy Qasym-Jomart Toqaevtyń atyna Qazaqstan Respýblıkasynyń Táýelsizdik kúnine baılanysty quttyqtaý jedelhattary kelip túsýde, dep habarlady Prezıdenttiń baspasóz qyzmeti.
Qytaı Halyq Respýblıkasynyń Tóraǵasy Sı Szınpın jeke óziniń jáne QHR Úkimeti men halqynyń atynan Qasym-Jomart Toqaevty Qazaqstan Táýelsizdiginiń 29 jyldyǵymen quttyqtady.
– О́tken jyldyń qyrkúıek aıyndaǵy Sizdiń Qytaıǵa jasaǵan memlekettik saparyńyz barysynda qytaı-qazaq qatynastaryna máńgilik, jan-jaqty strategııalyq seriktestik mártebesin berýge ekijaqty kelisim jasadyq. Bul ekijaqty yntymaqtastyqtyń kókjıegin keńeıtedi. Men Qytaı-Qazaqstan qatynastaryn damytýǵa basa mán beremin. Sonymen qatar eki eldiń ıgiligi úshin birlesip júzege asyryp jatqan «Bir beldeý – bir jol» baǵdarlamasy aıasynda jańa jetistikterge qol jetkizýge, ózara qoldaýdy nyǵaıtýǵa jáne strategııalardy tereńdete otyryp ushtastyrýǵa О́zińizben birlesip kúsh salýǵa daıynmyn, – delingen QHR Tóraǵasynyń jedelhatynda. Sóz sońynda Sı Szınpın dostas Qazaqstannyń qýaty artyp, ósip-órkendeýine, al halqyna baq-bereke tilegen.
Japonııa ımperatory Narýhıto óziniń quttyqtaý hatynda Qasym-Jomart Toqaevqa qut-bereke, Qazaqstan halqynyń ósip-óne berýine tilektestik bildirgen.
Saýd Arabııa Koroli Salman ben Abdelazız Ál Saýd jáne Saýd Arabııasy Koroldiginiń Taq murageri Muhammed ben Salman Ál Saýd Qazaqstannyń odan ári damyp, gúldenýin tilegen.
Ulybrıtanııa Patshaıymy II Elızaveta Memleket basshysy Qasym-Jomart Toqaevty Táýelsizdik kúnimen quttyqtady.
– Joǵary Mártebeli Prezıdent myrza, sizderdiń ulttyq merekelerińizge oraı júrekjardy quttyqtaýymdy qabyl alyńyz. Sondaı-aq osyndaı qıyn-qystaý kezeńde Qazaqstan halqyna bar jaqsylyqty tileımin, – delingen jedelhatta.
Mereke qarsańynda Qazaqstan Prezıdentiniń atyna Ispanııa Koroli Felıpe, Belgııa Koroli Fılıpp, Marokko Koroli VI Muhammed, Qatar Memleketiniń Ámiri Tamım ben Hamad Ál Tánı, Oman Sultany Haısam Ben Tarıq, Kambodja Koroli Norodom Sıamonı quttyqtaý hattaryn joldady.
О́zbekstan Prezıdenti Shavkat Mırzııoev jeke óziniń jáne ózbek halqynyń atynan Qasym-Jomart Toqaev pen qazaqstandyqtardy ulttyq merekemen quttyqtady.
– Qazaqstan halqynyń ál-aýqatyn arttyrý jáne elińizdiń halyqaralyq arenadaǵy bedelin odan ári nyǵaıtý jolyndaǵy jetistikterińizge tatý kórshilerińiz retinde erekshe qýanamyz. Ásirese jahandyq pandemııa jaǵdaıynda elińizdiń ekonomıkalyq damýyn qamtamasyz etýge jáne onyń saldaryn joıýǵa baılanysty qabyldaǵan tıimdi sharalaryńyzǵa tántimiz. Sońǵy jyldary eki el arasyndaǵy ózara tıimdi jáne uzaq merzimdi qatynastardy nyǵaıtýǵa baǵyttalǵan birlesken is-qımyldardyń jandanǵanyn, sondaı-aq onyń jańa deńgeıge kóterilgenin erekshe atap ótkim keledi, – delingen О́zbekstan Prezıdentiniń jedelhatynda.
Tájikstan Prezıdenti Emomalı Rahmon Táýelsizdik kúnine oraı óziniń júrekjardy quttyqtaýyn jiberdi.
– Biz eki halyq arasyndaǵy berik, tarıhı baılanystardy joǵary baǵalaımyz. О́zara kúsh jumyldyra otyryp, tájik-qazaq strategııalyq seriktestigin dáıekti, qarqyndy damyta alamyz dep senemin, – delingen quttyqtaý hatta.
Túrikmenstan Prezıdenti Gýrbangýly Berdimuhamedov jeke óziniń jáne túrikmen halqynyń atynan Táýelsizdik kúnimen quttyqtap, Qazaqstannyń ósip-órkendeı berýine tilektestik bildirdi.
Túrkııa Prezıdenti Rejep Taııp Erdoǵan Qasym-Jomart Toqaevty jáne Qazaqstan halqyn Táýelsizdik kúnimen quttyqtap, tabys tilegen.
– Ortaq tarıhı, mádenı jáne baýyrlastyq tamyrymyz baılanystyratyn Qazaqstanmen aradaǵy strategııalyq seriktestik deńgeıindegi qarym-qatynastardyń jańa salalarda da túrlenip, baıı túskenine qýanyshtymyz. Qolaıly kúni Qazaqstanǵa saparmen baryp, О́zińizben birge Joǵary deńgeıdegi strategııalyq yntymaqtastyq keńesiniń otyrysyna qatysýǵa beıildi ekenimdi bildiremin, – delingen jedelhatta.
Iran Prezıdenti Hasan Rýhanı óziniń quttyqtaýynda eki el arasyndaǵy qarym-qatynastardyń kúsheıgenin, sondaı-aq, ózara yntymaqtastyqty odan ári damytýǵa áleýetimizdiń zor ekenin jetkizgen.
Qazaqstannyń Táýelsizdik kúnine oraı quttyqtaý jedelhattaryn Mońǵolııa Prezıdenti Haltmaagıın Battýlga, Úndistan Prezıdenti Ram Nat Kovınd joldady.
Koreıa Respýblıkasynyń Prezıdenti Mýn Chje In merekemen quttyqtap: «Ártúrli saladaǵy yntymaqtastyqtyń arqasynda eki el arasyndaǵy dostyq baılanystar qarqyndy damyp keledi. Qazaqstanǵa byltyr jasaǵan saparym ekijaqty qatynastardyń damýyna tyń serpin berdi. COVID-19 pandemııasyna baılanysty ahýal turaqtanǵannan keıin Sizdiń Koreıa Respýblıkasyna jasaıtyn saparyńyz eki el arasyndaǵy strategııalyq seriktestikti odan ári tereńdetip, damytýǵa múmkindik beredi dep úmittenemin», degen quttyqtaý hatyn joldaǵan.
Ýkraına Prezıdenti Vladımır Zelenskıı Memleket basshysy Qasym-Jomart Toqaevty Táýelsizdik kúnimen quttyqtady.
– Táýelsizdik jyldarynda Qazaqstan Respýblıkasy Ýkraınanyń Ortalyq Azııadaǵy senimdi serigine aınaldy. Táýelsiz memleketterimiz arasyndaǵy ekijaqty yqpaldastyq ózara senimge jáne elderimizdiń egemendigi men jerimizdiń bútindigin saqtaýǵa negizdelip, odan ári damı beredi dep sanaımyn, – delingen jedelhatta.
Sonymen qatar Qazaqstan Táýelsizdiginiń 29 jyldyǵyna oraı Qasym-Jomart Toqaevtyń atyna Grýzııa Prezıdenti Salome Zýrabıshvılı, Majarstan Prezıdenti Iаnosh Ader, Italııa Prezıdenti Serdjo Mattarella, Shveısarııa Prezıdenti Sımonetta Sommarýga, Polsha Prezıdenti Andjeı Dýda, Fınlıandııa Prezıdenti Saýlı Nıınıstıo, Serbııa Prezıdenti Aleksandr Výchıch, Izraıl Prezıdenti Reýven Rıvlın, Lıtva Prezıdenti Gıtanas Naýseda, Horvatııa Prezıdenti Zoran Mılanovıch, Bolgarııa Prezıdenti Rýmen Radev, Moldova Prezıdenti Igor Dodon, Malta Prezıdenti Djordj Vella, San-Marınonyń Kapıtan-regentteri Alessandro Kardellı men Mırko Dolchını, Kýba Prezıdenti Mıgel Dıas-Kanel Bermýdes, Egıpet Prezıdenti Abdel Fattah As-Sısı, Palestına Prezıdenti Mahmýd Abbas, Ońtústik Afrıka Respýblıkasynyń Prezıdenti Matamela Sırıl Ramapoza, Týnıs Prezıdenti Kaıs Saıd, Serra-Leone Prezıdenti Djýlıýs Maada Bıo, Eýrazııalyq ekonomıkalyq komıssııa alqasynyń tóraǵasy Mıhaıl Mıasnıkovıch, Shanhaı yntymaqtastyq uıymynyń Bas hatshysy Vladımır Norov, Ujymdyq qaýipsizdik sharty týraly uıymnyń Bas hatshysy Stanıslav Zas, Islam yntymaqtastyǵy uıymynyń Bas hatshysy Iýsef ál-Oseımın, Ekonomıkalyq yntymaqtastyq uıymynyń Bas hatshysy Hadı Sýleımanpýr, BUU Bas hatshysynyń Ortalyq Azııa boıynsha arnaıy ókili Natalıa German, Eýrazııalyq damý bankiniń Basqarma tóraǵasy Nıkolaı Podgýzov, ExxonMobil Global Projects Company Prezıdenti Nıl Daffın, Eni kompanııasynyń Bas atqarýshy dırektory Klaýdıo Deskalsı, Reseı Federasııasy Birlesken ıadrolyq zertteýler ınstıtýtynyń dırektory Vıktor Matveev, Estonııanyń Qazaqstandaǵy elshisi Heıtı Mıaemees, Penza oblysynyń gýbernatory Ivan Belozersev, Baıqońyr qalasy ákimshiliginiń basshysy Konstantın Býsygın ózderiniń quttyqtaý hattaryn joldady.
Fransııa Prezıdenti Emmanıýel Makron elimizdi Táýelsizdik kúnimen quttyqtap, Qazaqstannyń ósip-órkendeı berýin tilegen.
– Bıylǵy jyl bizdiń elderimizdiń bir-birine jaqyndaı túsýimen erekshelendi. Men buǵan óte rızamyn. Eýropa Odaǵy men Qazaqstan arasyndaǵy Keńeıtilgen yntymaqtastyq jáne seriktestik týraly kelisim 2020 jyldyń 1 naýryzynan bastap óz kúshine endi, – dep jazady Fransııa Prezıdenti. Sondaı-aq ol Qazaqstannyń bıyl ólim jazasyn joıýdy kózdeıtin Azamattyq jáne saıası quqyqtar týraly halyqaralyq Paktiniń ekinshi fakýltatıvti hattamasyna qol qoıǵanyn, ekonomıka salasyndaǵy yntymaqtastyq jónindegi jol kartasy boıynsha jańa jobalar pandemııanyń kesirinen keıinge shegerilgenimen, onyń iske asyrylýyna qatysty jumystar jalǵasyp jatqanyn atap ótken. Sonymen qatar Emmanıýel Makron óz quttyqtaý hatynda Nur-Sultan qalasynda fransýz bilim berý mekemesin ashýǵa baılanysty jobada ilgerileý bar ekenin jazǵan.
Ázerbaıjan Prezıdenti Ilham Álıev te Táýelsizdik kúnimen quttyqtap, júrekjardy tilegin joldady.
– Qazaqstan Respýblıkasynyń memlekettiligin nyǵaıtyp jáne halqynyń ál-aýqatyn jaqsartyp, áleýmettik-ekonomıkalyq, mádenıet salalary boıynsha damýy, sondaı-aq elińizdiń halyqaralyq arenada abyroıynyń artýy bizdi qýantady. Bizdiń birlesken kúsh-jigerimizdiń arqasynda Ázerbaıjan men Qazaqstan arasyndaǵy dostyq pen yntymaqtastyq óristep, bizdiń strategııalyq áriptestigimiz moraldyq qundylyqtary men dástúri ortaq halqymyzdyń erkine sáıkes odan ári damı beredi dep senemin, – delingen quttyqtaý hatta.
Belarýs Respýblıkasynyń Prezıdenti Aleksandr Lýkashenko óziniń quttyqtaý hatynda egemendik jyldary Qazaqstannyń áleýmettik-ekonomıkalyq jáne gýmanıtarlyq salalar boıynsha aıtarlyqtaı damyǵanyn, halyqaralyq qoǵamdastyq tarapynan moıyndalǵanyn atap ótken.
– Belarýs Qazaqstanmen aradaǵy jyldan-jylǵa nyǵaıyp, jetildirilip, jańa mazmunǵa ıe bolyp kele jatqan berik seriktestik baılanystardy shyn máninde joǵary baǵalaıdy. Memleketterimiz arasynda qalyptasqan ózara senim, qoldaý men ashyqtyq qazirgi zamanǵy kúrdeli syn-qaterlerge birge qarsy turýǵa, belarýs-qazaq halyqtarynyń ıgiligi jolyndaǵy kópjaqty jáne tıimdi yntymaqtastyqty keńeıtýge múmkindik beretinine senimdimin, – delingen Aleksandr Lýkashenkonyń hatynda.
Armenııa Prezıdenti Armen Sarkısıan Qasym-Jomart Toqaevtyń atyna joldaǵan quttyqtaý hatynda Memleket basshysynyń qyzmetine tabys, Qazaqstan halqyna beıbitshilik, baq-bereke tileı otyryp: «Armenııa Respýblıkasy men Qazaqstan Respýblıkasynyń arasyndaǵy ózara senim men qoldaýǵa negizdelgen yntymaqtastyqtyń eki halyqtyń ıgiligi úshin odan ári damı beretinine nyq senimdimin», dep jazǵan.
Armenııa Premer-Mınıstri Nıkol Pashınıan Qazaqstan táýelsizdigin jarııalaǵan kezden beri halyqaralyq arenadaǵy ornyn tabysty nyǵaıtyp, saıası jáne áleýmettik-ekonomıkalyq salalarda aıtarlyqtaı jetistikke jetkenin aıtqan.
– Armenııa men Qazaqstannyń dostyq qatynastary eki halyqtyń múddesi úshin ekijaqty formatta da, halyqaralyq uıymdar men ıntegrasııalyq birlestikter aıasynda da odan ári damı beredi dep senemin, – delingen jedelhatta.
Sonymen qatar Qazaqstannyń Táýelsizdik kúnine oraı Memleket basshysy men Qazaqstan halqyn TMD Atqarý komıtetiniń tóraǵasy – Atqarýshy hatshysy Sergeı Lebedev, Reseı Federasııasy Syrtqy barlaý qyzmetiniń dırektory Sergeı Naryshkın quttyqtap, baq-bereke tilegen.
Latvııa Prezıdenti Egıls Levıts óz quttyqtaý hatynda elderimiz arasyndaǵy ekijaqty qarym-qatynastardyń dostyq jáne syndarly sıpatyn atap ótken.
– Rıgada Qazaqstan elshiliginiń ashylýy eki el arasyndaǵy yntymaqtastyqty odan ári nyǵaıtý maqsatyndaǵy mańyzdy qadam boldy. Latvııa men Qazaqstan arasyndaǵy ózara is-qımyldy ekijaqty yntymaqtastyq sheńberinde, Eýropalyq odaq pen Ortalyq Azııadaǵy kelisim boıynsha, sondaı-aq BUU men basqa da kópjaqty qurylymdar aıasynda keńeıte beremiz dep senemin, – delingen jedelhatta.
Estonııa Prezıdenti Kerstı Kalıýlaıd qazaqstandyqtardy Táýelsizdik kúnimen quttyqtap, eki el ortasyndaǵy yntymaqtastyq ózara tabysty salalar boıynsha odan ári damı beredi dep úmittenetinin jetkizgen.
Rýmynııa Prezıdenti Klaýs Verner Iohannıs óz quttyqtaý hatynda Qasym-Jomart Toqaevqa jáne Qazaqstan halqyna densaýlyq, beıbitshilik pen amandyq tilegen.
– Men Rýmynııanyń 2003 jyly Astanada qol qoıylǵan Seriktestik jáne yntymaqtastyq týraly deklarasııa negizinde bizdiń elderimiz arasyndaǵy ekijaqty qarym-qatynastardy odan ári damytýǵa nıetti ekenin naqtylaımyn, – delingen jedelhatta.
Kıpr Respýblıkasynyń Prezıdenti Nıkos Anastasıadıs Qasym-Jomart Toqaevty jáne Qazaqstan halqyn Táýelsizdik kúnimen quttyqtady.
– Qazaqstan COVID-19 pandemııasynan týyndaǵan buryn-sońdy bolmaǵan jahandyq qıyndyqtarǵa qaramastan, О́zińiz bastamashy bolǵan reformalar jolyn odan ári jalǵastyra beretinine nyq senimdimin, – dep jazǵan N.Anastasıdıs.