Áıgili France Football jýrnaly bıyl jyldyń úzdikterin anyqtaıtyn «Altyn dop» syılyǵyn berýden bas tartqany barshaǵa belgili. Sóıtip FIFA jyldyń myqtylary anyqtalmaı qalmasyn dep onlaın formatta The Best-2020 marapattaý rásimin uıymdastyrdy.
FIFA quramyna enetin ulttyq qurama bas bapkerleri men kapıtandarynyń, sport jýrnalısteriniń daýys berý qorytyndysy boıynsha Polsha quramasynyń jáne «Bavarııa» klýbynyń shabýylshysy Robert Levandovskı 2020 jyldyń eń úzdik fýtbolshysy atandy. Jyldyń úzdik bas bapkeri degen ataq Iýrgen Kloppqa («Lıverpýl») buıyrsa, Manýel Noıer («Bavarııa») eń qyraǵy qaqpashy ataǵyn ıelendi. Sonymen qatar Son Hyn Mınniń «Bıornlı» qaqpasyna soqqan goly jyldyń eń ádemi goly dep tanyldy.
Al 2020 jyldyń shartty quramasyna myna fýtbolshylar endi: Alısson Bekker («Lıverpýl») – Trent Aleksander-Arnold («Lıverpýl»), Vırjıl van Deık («Lıverpýl»), Serhıo Ramos («Real»), Alfonso Devıs («Bavarııa») – Iozýa Kımmıh («Bavarııa»), Kevın de Brıýıne («Manchester Sıtı»), Tıago Alkantara («Lıverpýl») – Robert Levandovskı («Bavarııa»), Lıonel Messı («Barselona») jáne Krıshtıaný Ronaldý («Iýventýs»).