Qalalyq máslıhat otyrysynda Amýrskaıa kóshesin ulaǵatty ustaz, KSRO memlekettik syılyǵynyń laýraety, «Qurmet» ordeniniń ıegeri Qanıpa Bitibaeva kóshesi dep ózgertý týraly usynys biraýyzdan qoldaý tapty, dep habarlaıdy Egemen.kz
Esterińizde bolsa, gazetimizdiń 30 qarashadaǵy nómirine «Bitibaevanyń atyna bir kóshe buıyrmaı tur» atty maqala shyqqan-tuǵyn. Sondaı-aq, onamastıka máselesi Shyǵys Qazaqstandaǵy «Altaı asý» qoǵamdyq birlestiginiń únemi nazarynda.
«Qanekeń dúnıeden ozǵaly 6 jyldan asty. Ol kemeńgerimizdiń esimin máńgilikteý maqsatynda oblys ákimi Danıal Ahmetovke, qala ákimine Jazýshylar Odaǵynyń oblystaǵy fılıaly, «Altaı asý» QB-i, qaladaǵy zııalylardyń, usatazdyń shákirtteri atynan birneshe márte suranys-hattaryn jazdyq. Ol talap-tilekterdiń mazmuny jalqy: Bitibaevaǵa ózi ǵumyr boıy qyzmet etken Jambyl atyndaǵy mektep-gımnazııanyń atyn, ózi turǵan kósheniń ataýyn berý. Joldanǵan hattardyń kirgen izi bar da, shyqqan izi joq» – dep jazǵan Jazýshylar Odaǵynyń Shyǵys Qazaqstan oblysyndaǵy fılıalynyń tóraǵasy Álibek Qańtarbaev.
Kóp tilegi kól. Endi О́skemendegi Amýrskaıa kóshesi Qanıpa ustazdyń atymen atalady.
О́skemen qalasy