Bas shahardyń ákimi Altaı Kólginov óziniń "Instagram" paraqshasynda bir apta ishinde 30-ǵa jýyq azamatty jeke qabyldady. Qala turǵyndary negizinen baspana alý, medısınalyq kómek, jumysqa ornalasý, turǵyn aýdandardy damytý máselelerimen júginetinin jazdy, dep habarlaıdy Egemen.kz
"Bir aptanyń ishinde azamattardy eki márte qabyldadym. Bul shamamen 30 otbasynyń 90 máselesin qamtydy. Suraqtardyń deni baspana, medısınalyq kómek, jumyspen qamtý, turǵyn alaptaryn damytý máselelerine qatysty boldy.
Bizde 16 turǵyn alaby bar. Onda qalanyń ár tórtinshi turǵyny meken etip jatyr. Bıyl osy turǵyn alaptarda birqatar aýqymdy jumystar atqaryldy: 100-den asa kóshege asfalt tóselip, demalys oryndaryn qurý úshin 40 qoǵamdyq keńistik pen aýla abattandyryldy (Kóktal-1, Kóktal-2, Agroqalashyq, Internasıonalnyı̆, О́ndırıs jáne t.b.). Sonymen qatar Mıchýrınoda keń mektep ashyldy. Buryn bul turǵyn alapta birde-bir bilim oshaǵy bolmaǵan edi. Eldi mekenderde áli de mektep, medısınalyq mekeme, deneshynyqtyrý-saýyqtyrý keshenderin jáne t.b. nysandardy salyp jatyrmyz.
Sondaı̆-aq 13,5 shaqyrym ınjenerlik jeliler, 5 shaqyrymnan asa kanalızasııa men sý qubyry, 3 shaqyrymnan asa nóser kanalızasııasy salyndy. Injenerlik jelisiz órkenıettiń bolmaı̆tyny belgili. Sodan soń jyly aıaldamalardy ornatý jáne ony jaryqtandyrý, jańa avtobýs marshrýttaryn iske qosý sııaqty máseleler taǵy bar. Prezıdenttiń tapsyrmasy boı̆ynsha 2021 jyly shetki aı̆maqtarǵa erekshe kóńil bólinedi. Qazir sonyń jobasy ázirlenip jatyr.
Orynbasarlaryma, aýdan ákimderine jáne basqarma basshylaryna jyl sońyna deı̆in aldyn ala qabyldaýǵa jazylǵan azamattardyń kezegin tezirek jyljytýdy tapsyrdym", dep jazdy Altaı Kólginov.