Astana qalasynyń ákimdigi ulttyq panteon ashýdy josparlap otyr. Munda memleketimizdiń qalyptasýyna yqpal etken uly tulǵalar jerlenedi. Bul týraly «Megapolıs» gazeti jazdy.
Úzdik ulttyq panteonǵa qatysty baıqaý bıylǵy jyldyń 1 jeltoqsanynda jarııalanǵan. Onyń merzimi keler jyldyń 1 naýryzynda aıaqtalady. Jeńimpazǵa 7,5 mln. teńge berý josparlanǵan. Qalalyq ákimdiktiń baspasóz qyzmeti bul aqpardyń rastyǵyn joqqa shyǵarmady.
Panteonǵa qoıylatyn basty talap- sáýletin joǵary deńgeıde jasap shyǵarý. Ol úshin sáýletshilerdiń biliktiligi synǵa túskeli otyr. Al ázirge oǵan kimniń qatysqany týraly jergilikti bılik naqty aqparat bergen joq. Sondyqtan bul taqyrypqa aldaǵy ýaqytta qaıta oralatyn bolamyz.
Baqytbek Keneshuly.
Derekkóz: «Megapolıs»