Shymkent qalasynda júrgizilgen jospardan tys tekserýler barysynda «Coca-Cola» kompanııasynyń kontrafaktilik ónimderi anyqtaldy. Bul týraly qalalyq Ádilet departamenti habarlady, dep jazady Egemen.kz.
Tekserýge «The Coca-Cola Company» kompanııasynyń resmı shaǵymy negiz bolǵan. Quqyq ıesi óz taýar belgisiniń zańsyz paıdalanylyp jatqanyn jáne naryqta shyǵý tegi kúmándi ónimderdiń paıda bolǵanyn málimdegen.
Nátıjesinde qala bazarlarynda qoldan jasalǵan salqyndatqysh sýsyndardyń iri partııasy satylǵany belgili boldy. Saraptama barysynda ónimderde jalǵan belgiler, tańbalaý talaptarynyń buzylýy jáne tıisti ruqsat qujattarynyń joqtyǵy anyqtalǵan.
Shymkentte agroónerkásipti qoldaýǵa bólingen qarajat talan-tarajǵa túsken
Atalǵan derekter boıynsha ákimshilik quqyqbuzýshylyq týraly is qozǵalyp, materıaldar sotqa joldandy.
Mamandar kontrafaktilik ónimder tek quqyq ıelerine ekonomıkalyq zııan keltirip qana qoımaı, sanıtarlyq talaptardyń saqtalmaýyna baılanysty tutynýshylar densaýlyǵyna da qaýip tóndiretinin eskertedi.
Ádilet departamenti kásipkerlerdi zań talaptaryn saqtaýǵa shaqyryp, mundaı tekserýler aldaǵy ýaqytta da jalǵasatynyn málimdedi.