Nur-Sultan qalasynyń memlekettik arhıvi astana tarıhyn baıandaıtyn «Arhıvter sóıleıdi...» qala tarıhynyń fotoqujattary» atty kóshe kórmesin ashty.
Kórme ekspozısııasy elordamyzdyń alǵash irgetasy qalanǵan sátten bastap búginge deıingi qalyptasý kezeńinen syr tarqatady.
Elimizge belgili ólketanýshylar men arhıv seriktesteriniń jeke qorlaryndaǵy qundy materıaldardyń negizinde qurylǵan kóshe kórmesi qala turǵyndarynyń erekshe yqylasyna ıe boldy.
N.Imamovtyń jáne A.Dýbıskııdiń jeke qorlarynan alynǵan fotoqujattar men B.Olenevtiń foto jáne beınematerıaldary astana shejiresin shertedi. Sondaı-aq sol zamandaǵy áleýmettik ómirdiń jaı-japsaryn ashyp kórsetedi.
Atalǵan kórmeden burynǵy latyn grafıkasymen jazylǵan derekterdi kezdestirýge bolady. Esimderi elge tanys, qala tarıhynda qattalyp qalǵan tulǵalardyń eren eńbegi jazylǵan aqparattardy da jolyqtyrasyz.
Dástúrli túrde uıymdastyrylatyn fotokórme oqýshylardyń qyzyǵýshylyǵyn arttyryp, úlkenderdiń arhıv salasyna degen kózqarasyn ózgertýde. Bıyl ekinshi ret ótken shara áli de jalǵasyn tabady.