Túrkistan oblysynda habar-osharsyz joǵalyp ketken áıel tabyldy, dep jazady Egemen.kz. Bul týraly oblystyń polısııa departamentiniń baspasóz qyzmeti habarlady.
Polısııanyń habarlaýynsha, Sozaq aýdandyq polısııa bólimine jergilikti turǵyn jubaıy keshki saǵat 19:00 shamasynda úıinen belgisiz baǵytqa shyǵyp ketip, qaıta oralmaǵanyn aıtyp, aryzdanǵan.
Osylaısha áıelimen esh baılanysa almaı, habar-osharsyz qalǵan er adam birden polıseılerdiń kómegine júgingen.
Jedel-izdestirý jumystarynyń nátıjesinde polıseıler táýlikke jetpeı áıeldi qurbysynyń úıinen tapty.
Tekserý barysynda otbasylyq kıkiljińnen soń áıeli kúıeýine renjip, ashýmen qurbysynyń úıine ketip qalǵany anyqtaldy. Qazirgi tańda erli-zaıyptylarǵa túsindirme jumystary júrgizilip, áıel aman-esen úıine qaıtaryldy.