Qala ákimi Rashıd Aıýpov oblys ortalyǵynda salynǵan juqpaly aýrýlar ortalyǵyn aralady. Endi bul jerde saıabaq salynady, dep habarlaıdy Egemen.kz.
Bul týraly qala ákimdiginiń baspasóz qyzmeti habarlady.
Qala ákimi ortalyq jumysyn kórý barysynda atalǵan ortalyq aýmaǵyna saıabaq salyp, kógaldandyrý jumystaryn júrgizý boıynsha tapsyrma berdi.
Ol úshin "Infraqurylym jáne kommýnıkasııalar bólimi" basshysyna jobalardy osy apta ishinde daıyndaý qajet ekenin aıtyldy.
Koronavırýs ınfeksııasyn juqtyrǵandardy oqshaýlap, sapaly medısınalyq qyzmet kórsetetin ortalyq 200 orynǵa laıyqtalǵan.
Mundaǵy bir erekshelik – árbir tósek-orynǵa jasandy tynys alý jáne dárigerdi shaqyrýǵa arnalǵan qondyrǵy ornatylǵan. Sonymen qatar ortalyq zamanaýı medısınalyq qural-jabdyqtarmen qamtylǵan jáne jansaqtaý bólimi men zerthanasy bar.
Sondaı-aq, ol jerdegi emdelýshilerdiń densaýlyǵyn dárigerlerdiń arnaıy bilezikter arqyly baqylaýyna múmkindigi bar. Al jedel-járdem kólikteri úshin qońyraý túsken jaǵdaıda ár shaqyrtý aldynda dezınfeksııalyq jumys júrgizýge arnalǵan jýý aýmaǵy da qarastyrylǵan.