Aqmola oblysynda taksı ishinde tanysýdyń sońy tonaýmen aıaqtaldy, dep habarlaıdy Egemen.kz.
Polısııanyń habarlaýynsha, 19 jeltoqsanda Kókshetaý qalasynyń polısııa basqarmasyna 39 jastaǵy turǵynnan aryz túsken. Onyń aıtýynsha, 17 jeltoqsanda belgisiz bireýler ony soqqyǵa jyǵyp, telefonyn urlap ketken
Shyǵyn kólemi 50 myń teńgeni qurady.
Er adamnyń aıtýynsha, sol kúni jumystan shyqqan soń taksı toqtatqan. Sodan keıin kólik ishinde otyrǵan eki adammen tanysqan.
Jańadan tanysqan eki adam qonaqqa bara jatqan. Osylaısha, jańa tanysqan adamǵa birge barýdy usynǵan. Otyryp ishimdik ishken soń jábirlenýshi men kúdikti arasynda janjal týady. Nátıjesinde olar aryz berýshini uryp, tonap ketken.
Er adam polısııaǵa esin jıǵan soń keldi. Ol óziniń jańa tanystary týraly eshteńe bilmeıdi, olarmen qaı jerde otyrǵany da esinde emes.
Jedel-izdestirý sharalary barysynda polısııa Kókshetaý qalasynyń 23-41 jas aralyǵyndaǵy úsh turǵynyn anyqtady.
Qazirgi ýaqytta atalǵan fakti boıynsha qylmystyq kodekstiń 191-babynyń 2-bóligi (tonaý) boıynsha sotqa deıingi is qozǵaldy.
Kúdiktilerge qatysty kúzetpen ustaý túrindegi bultartpaý sharasy tańdaldy.