"Salyq jáne bıýdjetke tólenetin basqa da mindetti tólemder týraly" Qazaqstan Respýblıkasynyń Kodeksine (Salyq kodeksi) engizilgen tolyqtyrýlar men ózgetýlerge sáıkes, elektrondy shot-faktýralar jazyp berýge mindetti salyq tóleýshilerdiń tizbesi keńeıtildi. Atalǵan tolyqtyrýlar Salyq kodeksiniń 412-babyna engizilgen, dep habarlaıdy Egemen.kz
Elektrondy shot-faktýralar jazyp berýge mindetti salyq tóleýshilerdiń tizbesi kelesi sanattarmen tolyqtyrylady:
- elektrondy shot-faktýralar aqparattyq júıesiniń "Vırtýaldy qoıma" modýline kelip túsken taýarlar osyndaı salyq tóleýshilerge ótkizilgen jaǵdaıda, qosylǵan qun salyǵyn tóleýshiler bolyp tabylmaıtyn salyq tóleýshiler;
- quny 1 000-eselelengen AEK-ten asatyn azamattyq-quqyqtyq mámile boıynsha Qazaqstan Respýblıkasynda qosylǵan qun salyǵyn tóleýshi retinde tirkelmegen rezıdent-zańdy tulǵalar (memlekettik mekemeler men orta bilim beretin memlekettik uıymdardy qospaǵanda), qyzmetin fılıal, ókildik arqyly júzege asyratyn beırezıdentter, dara kásipkerler, jeke praktıkamen aınalysatyn adamdar;
- júkterdi halyqaralyq tasymaldaý qyzmetterin kórsetetin salyq tóleýshiler.
Túzetýler 2021 jyldyń 1 sáýirinen bastap qoldanysqa enedi.