Jańa jyl qarsańynda Mańǵystaý oblystyq ekologııa departamentiniń qyzmetkerleri oblystyq otbasy úlgisindegi balalar aýylynda bolyp, tárbıelenýshilerdi quttyqtap, táttiler men oıynshyqtar tartý etti, dep habarlaıdy Mańǵystaý oblysy ekologııa departamentiniń baspasóz qyzmeti.
Oblystyq ekologııa departamentiniń kadr jónindegi mamany Svetlana Taýrýzovanyń aıtýynsha, jańa jyl – bul tańǵajaıyp mereke, muny balalardyń senimge toly jarqyraǵan kózderinen baıqaý qıyn emes.
«Biz ózara aqyldasa kele, jańa jyldyq syılyqtardy úlestirýdi jón sanadyq. Balalardyń kóńilin kóterip, olardyń júzinen kúlki kórgimiz keldi. Árbir tárbıelenýshini kele jatqan jańa jyl merekesimen quttyqtaı otyryp, amandyq-saýlyq tileımin», dedi ol.
Ekologtar mekeme qyzmetkerleri men tárbıelenýshilerdi kele jatqan 2021 jylmen quttyqtap, olarǵa sáttilik, zor densaýlyq, baqyt jáne armandarynyń oryndalýyna tilektestik bildirdi. О́z kezeginde balalar aýylynyń basshylyǵy ekologııa departamentiniń qyzmetkerlerine mekeme tárbıelenýshilerine degen júrekjardy tilekterin bildirip, kóńil bólgeni úshin alǵysyn jetkizdi.
Aıta ketý kerek, shara barlyq sanıtarlyq talaptardy saqtaı otyryp uıymdastyrylǵan bolatyn.