Aqtaý qalasynyń turǵyndary aımaq bıýdjetiniń bólinýine rıza emes. Bul másele týraly ADAL partııasynan depýtattyqqa kandıdattarmen kezdesýde aıtyldy.
Májiliske depýtattyqqa kandıdattar Eldar Jumaǵazıev, Ardaq Nazarov, Maqsat Tolyqbaı, Lázzat Shyńǵysbaeva, sondaı-aq partııa ókilderi Nurlybek Muqanov, Ánýar Kerembaev Aqtaý qalasynyń jurtshylyǵymen kezdesti.
О́z sózinde Eldar Jumaǵazıev partııanyń maqsaty jekelegen qalalardy damytý emes, elimizdiń barlyq óńirlerin damytý ekenin atap ótti. «Mańǵystaý óńiri – biregeı aımaq. Birden bul jerde munaı óndiriletini jáne kóp munaı kompanııasy bar ekeni oıǵa oralady. Sonymen qatar turǵyndardyń problemalyq máselelerge shaǵymy kóp. Negizgisi – adam kapıtaly men tabys», dedi E.Jumaǵazıev.
Sondaı-aq ol О́ńirlerdi damytýdyń qoldanystaǵy standarttary eskirgenin, sondyqtan óńirlik saıasatty túbegeıli ózgertý qajettigine toqtaldy. «Bizde eńbekke qabilettiliktiń úlken koeffısıenti bar. Jumys oryndaryn ashyp, óńirlik baǵdarlamalardy júzege asyrý qajet. Búkil kúsh – óńirlerde», dedi ol.
Partııa ókilderine joldaǵan suraqtarynda Aqtaý qalasynyń turǵyndary bıýdjet qarajatyn tıimsiz jumsaý saldarynan týyndaıtyn máselelerdi qozǵady.
Sonymen qatar Májilis depýtattyǵyna kandıdat Maqsat Tolyqbaı men Lázzat Shyńǵysbaeva, sondaı-aq partııa ókili Nurlybek Muqanov Aqtaý qalasynda kóp balaly analarmen kezdesý ótkizdi. Kezdesý barysynda Aqtaý qalasynyń kóp balaly analary partııa ókilderine ózderiniń aryz-shaǵymyn jetkizdi.
«Qazir qolymda 15 myń teńge ǵana qalady. Men jumystan bas tartpaımyn, biraq úıde kishkentaı bala bar, sondyqtan jumysqa bara almaımyn. Búkil organdarǵa júgindim, biraq eshqaısysy maǵan kómektesken joq», dedi problemasyn aıtqan ana.
Taǵy bir kóp balaly ana kishkentaı balalaryna baılanysty jumysqa ornalasa almaı júrgenin aıtady. «Meniń bir jastaǵy balam bar. Bizge qarajat jetispeıdi. Mamandyǵym boıynsha oqytýshymyn. Jumysqa ornalasqym keledi, biraq balam bir jasta bolǵandyqtan balabaqshalar ony qabyldamaıdy. Men ne isteýim kerek? Jumys istegim keledi, biraq balany qaldyratyn jer joq», dedi áıel.
Áıelderdi tyńdaǵan Maqsat Tolyqbaı kóp balaly analardyń problemalaryna qoǵamnyń kózqarasy jetilmegenin atap ótti. Ol bul máseleni zańnamalyq deńgeıde kóterýge ýáde berdi.
«Analarǵa baspana satyp alýǵa ǵana emes, jumyspen qamtamasyz etýge de kómektesýimiz qajet. Biz kóp balaly analardyń mártebesin kóterýimiz kerek. Mindetti túrde birinshi kezekte zańnamalyq deńgeıde analar máselesin kóteremiz», dedi M.Tolyqbaı.
Sondaı-aq kezdesýge qatysýshylar qaladaǵy jumyssyzdyqqa nazar aýdardy. Aqtaýdaǵy kezdesýlermen qatar, ADAL úmitkerleri Soltústik Qazaqstan oblysynda kezdesýler ótkizdi.
Kezdesýlerdiń birinde Iаvlenka aýylynyń kásipkerleri kassalyq mashınalardyń joǵary komıssııalaryna shaǵymdandy. Ony tóleý úshin azyq-túlik baǵasyn kóterý kerek, al mundaı ádiske júginýge halyqtyń tabysy az deıdi kásipkerler.
Sergeevka aýylynda turǵyndar sybaılas jemqorlyq jáne bilim berý máselelerin qozǵady. Aıyrtaý aýdanynyń turǵyndary aýyz sýdyń joqtyǵyna narazy. Olar sýdy tasyp iship otyr. Qyzyljar óńiriniń turǵyndaryna kásipkerlik úshin jer telimin alý qıyn ekenine toqtaldy.