Ortalyq kommýnıkasııalar qyzmetinde ótken baspasóz máslıhatynda qorǵanys mınıstri Nurlan Ermekbaev qarapaıym azamattardyń áskerı kıimderdi kııýine qatysty suraqqa jaýap berdi, dep habarlaıdy Egemen.kz.
«Bul másele jóninde túsinispeýshilik oryn aldy. Kádimgi, qarapaıym azamattarǵa jalpy kamýflıaj formasyn kııýge eshqandaı tyıym joq. Biraq áskerı belgilermen, mysalǵa pogondar, shevrondar, qaı ásker túrlerine jatatyn belgilermen jabdyqtalǵan áskerı formany tek qana áskerı qyzmetshiler jáne basqa da áskerı qurylymdardyń qyzmetkerleri kııýge quqyly», deıdi Ermekbaev.
Aıtýynsha, polıseıler, ulttyq gvardııanyń qyzmetkerleri, shekara qyzmetiniń qyzmetkerlerine kııýge bolady. Al eger ondaı pogondar, shevrondar, basqa da belgileri joq kıim nysany bolsa, ony kez kelgen azamat kıip júre alady.