Atyraý qalasyndaǵy oblystyq daryndy balalarǵa arnalǵan mamandandyrylǵan mektep-lıseı-ınternatynda ana tilimen birge aǵylshyn tilin jetik meńgergen oqýshylar bar. Solardyń qataryndaǵy 11-synyp oqýshylary Aqbota Jubatqan men Aıdanýr Demırdjı halyqaralyq ǵylymı jobalar saıysynyń úzdigi atanyp otyr.
Olar jaqynda Brazılııanyń Novo-Gambýrg qalasynda «MOSTRATEC» 35-halyqaralyq bilim kórmesine qatysty. Onda álemniń 35 elinen 752 oqýshy baq synaǵan edi. Bul dodada Atyraý oblystyq daryndy balalarǵa arnalǵan mamandandyrylǵan mektep-lıseı-ınternatynyń 11-synyp oqýshysy Aqbota Jubatqan matematıka páninen I oryndy ıelendi. Bilim uıasynyń taǵy bir 11-synyp oqýshysy Aıdanýr Demırdjı tarıh páninen III oryn aldy.
– Jaz maýsymynyń aıaqtalýyna on shaqty kún qalǵanda synyp jetekshimiz «Mostratec» atty halyqaralyq ǵylymı jobalar saıysy ótetinin habarlady. Sol habardy estigen soń daıyndala bastadym. Alaıda pandemııaǵa baılanysty atalǵan saıys qashyqtan ótetin boldy. Soǵan qaramastan, saıys óte qyzyqty ótti ári mol tájirıbe jınadyq. Baıqaý «Jitsi meet» atty vıdeo-konferensııalarǵa arnalǵan mobıldi qosymshanyń kómegimen ótti. Biz óz jobamyzdy aǵylshyn tilinde qorǵadyq, – deıdi Aqbota Jubatqan.
Atyraýlyq oqýshylardy atalǵan jobaǵa qyzdar lıseıiniń beıindi oqý isiniń meńgerýshisi Oksıýz Rahman men H.Dosmuhamedov atyndaǵy Atyraý memlekettik ýnıversıtetiniń oqytýshysy Aqqabyl Abırov daıyndaǵan.
Atyraý oblysy