Ortalyqtar sapasy syn kótermeıdi

Kezdesý barysynda múm­kindigi shekteýli balalardy áleýmettik qorǵaý sharttary men medısınalyq kómek­tiń sapasy talqylandy. Osy má­seleler turǵysynan norma­tıvtik-quqyqtyq bazany jetil­dirý boıynsha usynystar da qa­raldy. ÚEU ókilderi men ata-analar balalardy ońal­tý máselesine qatysty shaǵym­dandy.

«Aımaqtyq mıssııalar ke­zin­­de partııaǵa osy prob­lema týraly kóptegen habar­la­ma ke­lip tústi. Bir­qatar aımaqtar­da ońaltý orta­lyqtary joq, sondyqtan balalar ómirlik mańyzdy ońaltý kóme­gin almaıdy», dedi Aq­maral Bekmyrzaeva.

Kezdesýge qatysýshylar máse­leniń ózektiligin rastady. Sondaı-aq olar dári-dármek­terdiń jetispeýin, medısınalyq qyzmet kórsetý problemalary men erekshe qajettilikteri bar balalarǵa dene shynyqtyrý ortalyqtarynyń joqtyǵyn atap ótti. Taǵy bir mańyzdy másele – analarǵa arnalǵan psı­holo­gııalyq kómek joq.

«Múmkindigi shekteýli balany bosanǵan anaǵa perzenthanada psıhologııalyq kómek kórsetilýi kerek. Psıholog áıeldi qoldaýy, ony erekshe qa­jettiligi bar bala tár­bıeleýge daıyndaýy kerek», dep atap ótti A.Bekmyrzaeva.

Jıynǵa qatysýshylar da óz pikirlerin bildirdi. Olardyń aıtýynsha, eshkimnen tegin eshteńe surap otyrǵan joq. Áıtse de, olar memleket tarapy­nan kórsetiletin kómek ýaq­tyly jáne shynaıy, sapaly bol­ǵa­nyn qalaıdy.

Aqmaral Bekmurzaeva ADAL partııasy bul máse­le­lerdi qaraýsyz qaldyrmaı­tynyn jáne sıpattalǵan proble­malar­dyń naqty sheshimderin tabatynyn jetkizdi.

«Osyndaı kezdesý­ler­­diń arqasynda biz baǵdarla­­ma­myzdyń maqsattaryn to­lyq­tyrýǵa jáne naqtylaýǵa múm­kindik alamyz. Tipti ob­lys ortalyqtarynda da jaǵ­­daı nashar dep aıtýǵa bolady. Al aýdandardaǵy jaǵdaı qan­­daı? Problemalar  óte kóp, al­dymyzda úlken jumys tur», dedi ol.

Budan bólek, ADAL par­tııa­synyń ókilderi Almaty­da qalanyń jas kásipkerleri­men jáne startaptarymen kez­desý ótkizdi. Is-sharaǵa Má­ji­lis de­­pýtattyǵyna kandıdat­tar Ol­jas Ordabaev, Alına As­qarova jáne Nurlybek Malelov qatysty.

Partııa úmitkerleriniń aımaq­tar turǵyndarymen kez­desýleri jalǵasyp jatyr. Almasbek Sadyrbaev Almaty oblysynyń Úsharal qala­sy­nyń turǵyndarymen kez­desti. Taraptar sýbsıdııalar men sharýa qojalyqtaryn ne­sıe­lendirý máselelerin talqylady. Partııa ókiline oblystyń keıbir problemalary, atap aıtqanda, agrarlyq sektorǵa jerdiń jetispeýshiligi týraly aıtyldy. О́z kezeginde Almasbek Sadyrbaev fermerlerge partııa bul máselelerdi qalaı sheshýdi josparlap otyrǵanyn aıtty.