Batys óńirlerin aralady

Kezdesýde «Aq jol» demo­kratııalyq partııasynyń saılaýaldy baǵdarlamasy tanystyryldy. «О́zderińizge belgili, saılaýaldy naýqany júrip jatyr. Búgin Mańǵystaý oblysyna keldik. Mańǵystaý óńiri – «Aq jol» partııasynyń negizgi tireginiń biri. Qazaq «elý jylda – el jańa» degen. Qazirgi basqarý júıesindegi amaldar keı máselelerdi sheshýde qaýqarsyz kórinedi. Oǵan pandemııa bastalǵanda kóz jetti. Biz ekonomıkalyq-saıası túbe­geıli ózgeristerdi usyna­myz», dedi Májilis depýtaty Berik Dúısembınov.

Al «Aq jol» demokratııalyq partııasy jastar qanatynyń jetekshisi Ǵazıza Baqtııarqyzy mań­ǵystaýlyqtarǵa partııa usyn­ǵan osy ózgeristerdiń iske asýy saılaýshylardyń tań­daýyna tikeleı baılanysty ekenin eskert­ti. Úgit-nasıhat toby óńir­de taǵy birneshe kezdesý ótkizýdi josparlap otyr.

Buǵan deıin partııa ókilderi Batys Qazaqstan oblysynda bolyp, Oral qalasyndaǵy «Bolashaq-T» kásipornynyń eńbek ujymymen kezdesken edi. Kásiporyn 1998 jyly qurylǵan, monolıtti temirbeton konstrýksııalardan kóp qabatty turǵyn úıler, ǵımarattar, mektepter, balabaqshalar salady. Kezdesý barysynda «Aq jol» partııasynyń saılaýaldy baǵdarlamasy tanystyrylyp, kandıdattar saılaýshylardyń suraqtaryna jaýap berdi. Baǵ­dar­lamadaǵy basty baǵyttar – qazaqstandyqtardyń ómir súrý sapasyn arttyrý, eko­no­mı­kany jańa deńgeıge shy­ǵarý, kásipkerlikti qoldaý, sondaı-aq bilim berý júıesin reformalaý. «Kásipkerlikti qoldaý ekonomıkalyq áleýetti damytýdyń quraly retinde ǵana emes, eń aldymen jumyssyzdyq máse­lesin sheshýdiń, jańa ju­mys oryndaryn ashýdyń jáne qazaqstandyqtardy tabys kózderimen qamtamasyz etýdiń basty quraly retindegi mańyzy zor. Biz saıası reformalar júr­gizilmeıinshe ekonomıkada oń ózgerister bolýy múmkin emes­tigine kózimizdi jetkizdik. Son­dyqtan ekonomıkalyq reformalar saıası reformalardyń materıaldyq mazmuny retinde qajet», dedi Erlan Barlybaev.

Partııanyń úgit-nasıhat toby sondaı-aq «Oral kabel» jaýapkershiligi shekteýli serik­­testiginde bolyp, jumys­shylardyń jaǵdaıymen tanys­ty. Olar ujymnyń áleýmettik jaǵdaıyn surap, óndiris barysyn aralap shyqty. Kezdesýde jumyssyzdyqpen kúres, kásip­kerlikti qoldaý sekildi áleýmettik máseleler kóterildi. Jıyn barysynda kásiptegi kez kelgen problemany ońtaıly sheship, óndiristi toqtatpaýdyń joldaryn qarastyrý – partııanyń bas­ty maqsaty ekeni aıtyldy. «Aq jol» demokratııalyq partııasy bıznesti qorǵaý, kásipkerlikke jalpy sıpattama berý, naryqtyq qatynasty damytý jáne óndiris­tik ekonomıkany qurýdy qol­daıdy. Budan basqa demokrattar baǵdarlamasynda jumyspen qamtý júıesin damytý, qoǵamnyń jalpy eńbekpen qamtylýyn qamtamasyz etý kiredi. Partııa ókilderiniń aıtýynsha, «Aq jol» partııasy – progressıvti damýdyń jaqtaýshysy. Olar ekonomıkany nyǵaıtý, naryqtyq jáne básekelestik qaǵıdalardy damytý baǵytynda jumys istemek.