Qurlyqtyq hokkeı lıgasynda (QHL) baq synaıtyn elordanyń «Barysy» turaqty birinshiliktegi kezekti týr oıynyn óz aıdynynda Sibirdiń «Sıbır» klýbymen ótkizip, jeńiske jete almady.
Ázirge «Sıbır» qazaqstandyq komanda úshin alynbas qamalǵa aınaldy. О́ıtkeni jerlesterimiz reseılik komandany baqandaı segiz oıynnan beri jeńe almaı keledi. «Barys» eń sońǵy ret «Sıbırden» 2019 jyldyń 12 aqpanynda 5:2 esebimen basym túsken eken. Mine, sol ýaqyttan beri elorda komandasy jeńisti joldy jalǵastyra almaı keledi. Sonymen qatar reseılik ujym «Barystyń» bes oıynǵa jalǵasqan jeńisti serııasyna da núkte qoıdy.
«Sıbırmen» ótken sońǵy oıyndaǵy kezdesýdiń esebin «Barys» shabýylshysy Mettıý Frettın ashqanymen, komandalastary báseke sońyna deıin jeńisti óz ýysynda saqtaı almady. Ekinshi 20 mınýtta qonaqtardan Efım Gýrkın men Dmıtrıı Saıýstov mergendigimen kózge túsip, komandasyn esepte alǵa shyǵardy. Al matchtyń sońǵy mınýtynda Mıkael Rýohomaa gol soǵyp, oıynnyń núktesin qoıdy. Qorytyndy esep – 3:1.