Muǵalimderdiń jalaqysyn kóterý mańyzdy

Almaty qalasynda ADAL partııasynan Májilis depýtattyǵyna úmitkerler Alına Asqarova, Aqmaral Bekmurzaeva, Oljas Ordabaev, Nurlybek Malelov, Maq­sat Tolyqbaı, Dáýlet Muqaev, Lázzat Shyń­ǵys­baeva, sondaı-aq partııa ókili Nurlybek Muqanovtar turǵyndarmen kezdesti.

ADAL saıası partııasynyń keńsesinde Al­maty qalasynyń belsendi jastary men Abaı atyndaǵy QazUPÝ oqytý­shy­lary­men, stýdentterimen onlaın-jıyn uıym­das­tyryldy. Is-sharaǵa spıkerler retinde Alına Asqarova, Aqmaral Bek­mur­zaeva jáne Oljas Ordabaev qatysty. Kez­desýge qatysýshylar partııanyń saılaýaldy baǵdarlamasy týraly aqparat alyp, birqatar ózekti máselelerdi talqylady.

Is-shara barysynda Oljas Ordabaev bilim berý salasy qyzmetkerleriniń jalaqysyn kóterýdiń mańyzyna toqtaldy.

«Mektepke deıingi bilim berý mekemelerinen bastap, muǵalimderdiń jala­qysyn arttyrý máselesi óte ózekti kúıinde tur. Biz bilim berýdiń barlyq deńgeılerinde muǵa­limderdiń jalaqysyn arttyrý múmkin­dikteri boıynsha jumys isteýdi jalǵas­ty­ramyz», dedi Oljas Ordabaev.

Depýtattyqqa kandıdat Nurlybek Male­lov pen partııa ókili Nurlybek Muqanov oqý ornynyń oqytýshylary jáne stýdentterimen kezdesti. Jıyn barysynda qatysýshylar partııanyń bilim berý júıesin reformalaý jónindegi usynystaryn da joǵary baǵalady.

Úmitkerlerdiń úgit-nasıhat jumystary megapolıstiń iri bazarlary men saýda núk­telerinde jalǵasty. Depýtattyqqa kandıdat­tar Maqsat Tolyqbaı, Dáýlet Muqaev jáne Lázzat Shyńǵysbaeva shaǵyn bıznes ókil­derimen kezdesti.

Bazar qyzmetkerleri ADAL partııasynyń maqsattary men mindetteri týraly aqparatty tyńdady. Qyzý pikirtalastar jumyspen qamtý jáne medısınalyq saqtandyrý máse­lelerinen týyndady. Kezdesýler bary­synda turǵyndar partııanyń eldegi kásipkerlikti damytý jónindegi usynystaryn qoldaıtyndaryn jetkizdi.

«Is júzinde sizder jumys ornynan shyǵa almaısyzdar. Sondyqtan sizderdiń shette qalmaýlaryńyz úshin, osy saıası naýqanǵa belsendi qatysýlaryńyz úshin biz arnaıy osynda kezdesý uıymdastyryp otyrmyz», dedi Lázzat Shyńǵysbaeva.

Jumys kúniniń sońynda kandıdattar ADAL partııasynyń tóraǵasy Serik Sultanǵalımen kezdesti. Kandıdattar partııa tóraǵasyna aımaqtardaǵy úgit-nasıhat jumystarynyń nátıjeleri týraly aıtyp berdi. Sonymen qatar olar qalalar men aýyldar turǵyndaryn mazalaıtyn, eń kóp kezdesken problemalardy jetkizdi.

«О́te aýqymdy, mańyzdy jáne qajetti jumys atqaryldy, kóptegen máli­met­, ti­lek pen usynys jınaldy. Men árqaı­­sy­ńyzǵa osyndaı qıyn sátte bel­sen­dilik pen jumysty adal orynda­ǵanyńyz úshin al­ǵys aıtamyn. О́zderińizge jáne densaý­lyq­­tar­yńyzǵa muqııat bo­ly­ńyzdar, meniń oıym­­­sha, bul búgingi kúnniń eń mańyzdy basym­­dyǵy ekendigi bar­shaǵa túsinikti. Barl­y­ǵy­ńyzǵa úmitterińizdi joǵaltpaýǵa jáne biz­diń ortaq maqsatymyzǵa taban­dylyq­­pen um­tylýlaryńyzǵa tilektespin. Halyq biz­ge senedi, sondyqtan olarǵa adal bolyp, ýá­de­le­rimizdi oryndaıyq», dedi Serik Sultanǵalı.