Jyl almasar qarsańda Maqat aýdanynda «Ashyq ákimdik» keńsesi jumysyn bastady, dep habarlaıdy Egemen.kz.
Sybaılas jemqorlyqqa qarsy is-qımyl agenttigi Atyraý oblysy boıynsha departamentiniń basshysy Qanat Súleımenovtiń málimetinshe, buǵan deıin alty aýdan men Atyraý qalasynyń ákimdigi «Oren-space» formatyndaǵy jańa júıege kóshken bolatyn.
«Prezıdent Joldaýynda «Halyq únine qulaq asatyn memleket» tujyrymdamasyn iske asyrýdy tapsyrǵan edi. Memlekettik organdardyń jumysyn servıstik modelge kóshirý memlekettik qyzmetshilerdiń jańa uıymdastyrýshylyq mádenıetiniń kórinisin, sondaı-aq, halyqqa qyzmet kórsetýdiń qolaıly ortasyn qurýdy qamtamasyz etedi. Bul – óńirdegi segizinshi «Ashyq ákimdik» deıdi departament basshysy Qanat Súleımenov.
Maqat aýdanynyń ákimi Shákir Keıkınniń aıtýynsha, «Ashyq ákimdik» keńsesi keńes berýge arnalǵan alańmen, ózine-ózi qyzmet kórsetý buryshymen, aqparattyq stendiler men WI-FI jelisimen qamtyldy. Munda múmkindigi shekteýli jandar úshin qolaıly jaǵdaı jasalyp otyr.