Áıgili brazılııalyq fýtbolshy Pele ornatqan rekordtar ýaqyt ótken saıyn birinen soń biri jańaryp jatyr. Kúni keshe Italııanyń «Iýventýs» klýbynyń shabýylshysy Krıshtıaný Ronaldý resmı oıyndarda soqqan gol sany boıynsha Peleni basyp ozdy.
Ronaldý Italııa chempıonatynyń kezekti týr oıynynda «Ýdıneze» (4:1) klýbynyń qaqpasyn eki ret dál kózdep, resmı matchtardaǵy gol sanyn 758-ge jetkizdi. Sóıtip, ol gol sany boıynsha ataqty Peleden ozyp ketti. Portýgalııalyq fýtbolshyǵa 758 gol soǵý úshin 1 032 match qajet boldy. Al Pele jalpy sany 812 resmı oıynda 757 gol soqqan. Goldar sany jóninen absolıýttik rekord chehııalyq shabýylshy Iozef Bısanǵa tıesili. Ol 1931-1955 jyldar aralyǵynda 759 márte mergendigimen kózge túsken. Aldaǵy bir-eki oıynda Ronaldýdyń bul rekordty da jańartatyny anyq.
Eske sala keteıik, buǵan deıin bir klýbta soqqan gol sany boıynsha Peleniń rekordyn argentınalyq fýtbolshy Messıdiń jańartqanyn jazǵan bolatynbyz. Messı bir klýbta qarsylas komandanyń qaqpasyna 644 gol soqqan bolsa, Pele 643 gol salǵan.