Bilim berý salasynyń erteńine alańdaıdy

Kandıdattar Oljas Syz­dyqov pen Islam Suńqar sapaly bilim men onyń qoljetimdiligi, óńirlik ýnıversıtetter qurý, oqýlyqtardy sıfrlandyrý, mektep oqýshylaryn tárbıe­leıtin otba­sylar úshin jeńil­detilgen ınternet qosý syndy ózekti taqyryptardy qozǵa­- dy.

– Memleket sapaly jáne qoljetimdi bilimge ınvestısııa salý eń aldymen elimizdiń adam kapıtalyna qarjy quıý ekenin túsinýi kerek. Bizdiń partııa bilim berý salasyndaǵy máselelerdi sheshý bo­ıynsha naqty jospar ázirledi. Ol búgingi tańda kez kelgen zamanaýı memlekettiń eń basty mindetteriniń biri bolyp sanalady, – deıdi O.Syzdyqov.

Qazaqstan Halyq par­tııa­synyń músheleri Qazaqstandaǵy bilim alý elimizdiń barlyq azamattaryna qolje­timdi bolýy tıis dep esepteıdi.

– Biz kásiptik-tehnıkalyq oqýǵa jańa serpin berý, olardyń janyndaǵy keshki mektepterdi qaıta qurý, bıýdjettiń múm­kin­diginshe stıpendııa tóleýdi qarastyrýy qajet dep sanaımyz. Memlekettik uıym­dar men kásiporyndar stýdentterge baza­­lyq jalaqy tóleı otyryp, olardy bos oryn­darǵa jáne ýaqytsha tájirıbe jınaq­taýǵa qabyldaýǵa mindetti, – deıdi I.Suńqar.

Qazaqstan Halyq partııa­synyń músheleri halyqtyń kóshi-qony men óńirlerdiń damýyna baılanysty memleket óńirlik ýnıversıtetter qurýy tıis ekenin atap ótti. Qalalarda aýyl balalary úshin zaman­aýı ınfraqurylymy bar mektep-ınternattardy qaıta qurý qajet.

Sondaı-aq Shymkentte Qa­zaq­stan Halyq partııasynyń belsendileri men músheleri QHP-nyń úgit-nasıhat ma­te­rıal­daryn taratýǵa negiz­del­gen aksııa ótkizdi. Saıası qozǵa­lystyń jaqtaý­shylary azamattarǵa partııanyń saılaýal­dy baǵdarlamasynyń negizgi tarmaq­taryn túsindirdi.

– Bizdiń partııa halyqtyń tabys kólemin de, eń tómengi kúnkóris deń­geıin de arttyrý qajet dep esepteıdi. Memleket zeınetaqy mólsherin ulǵaıtyp, azamattardyń zeınet jasyn 60 jasqa deıin tómendetýi tıis, – deıdi Parlament Májilisiniń depýtattyǵyna kandıdat Nur­lan Qadyrqulov.

Kandıdat pandemııa bas­talǵanǵa deıin únemi salyq tólep, jumys oryndaryn qurǵan azamattar sanaty úshin bir rettik nesıe raqymshylyǵyn júrgizýdi usyndy.

– Bul pandemııa men shekteý sharalary saldarynan qıyn jaǵdaıǵa tap bolǵan sha­ǵyn jáne orta bıznes ıelerine qatysty. Iаǵnı, azyq-túlik dú­ken­deriniń, kafelerdiń, shash­ta­razdardyń ıeleri men qyz­met­kerleri qamtylýy qajet. Aıta ketý kerek, bankter karan­tınnen shyǵyn­syz ótti. Kóp­shiligi óz kapıtalyn art­tyrdy. Shaǵyn jáne orta bıznes pen qara­paıym azamattarǵa ǵana salmaq tústi. Endi olar burynǵy nesıelerin óteý úshin taǵy nesıe alýǵa májbúr, – deıdi N.Qadyrqulov.

Qazaqstan Halyq partııasy memleket óz azamattary­na bankter esebinen nesıe ra­qymshylyǵyn júrgizýdi qam­ta­masyz etýi tıis dep sanaıdy.