Túrkııa bıligi áýe jolaýshylaryna arnalǵan tranzıttik erejelerdi qaıta pysyqtady, dep habarlaıdy Egemen.kz
Áýe jolaýshylary Túrkııa shekarasynan ótpeı, tek áýejaı arqyly úshinshi elge ótetin bolsa, olardan teris PTR synaǵy talap etilmeıdi.
Bul 31 jeltoqsanda Turkish Airlines áýekompanııasynyń tutynýshylaryna jibergen habarlamadan belgili boldy.Osyndaı habarlamany Pegasus áýekompanııasy da taratyp, áleýmettik jelilerde jarııalady. Áýekompanııa týrıster ózderi baratyn eldiń talaptaryn ǵana eskerýi kerek ekendigine nazar aýdarýdy suraıdy.
Osyǵan deıin tasymaldaýshylar 30 jeltoqsannan bastap Túrkııaǵa keletin barlyq áýe jolaýshylaryna, sonyń ishinde tranzıttik jolaýshylarǵa teris PTR synaǵy týraly anyqtamany mindetteıtinin habarlaǵan. Bul qazirdiń ózinde áýejaılardaǵy túsinispeýshilikterge sebep boldy. Mysaly, jeli qoldanýshylarynyń biri 29 jeltoqsanda Rostov-na-Doný – Ystambul – Mınsk jáne odan keri qaıtý bıletteri bar jubaıyn ushaqqa áýejaı qyzmetkerleri otyrǵyzýdan bas tartqanyn aıtady.
«Endi bıletti satqan kompanııa bar bolǵany 4 546 teńge qaıtarýǵa ǵana daıyn, óıtkeni bılet qaıtarylmaıtyn edi, sáıkesinshe kompanııa tarıf pen janarmaı ústemesin qaıtarmaýy kerek. Sondaı-aq, men áýekompanııaǵa hat jazdym, ol jerde tergeý júrgiziletini týraly jaýap aldym, biraq ázirge jaýap joq», deıdi forým qoldanýshysy.
Týrıstik kompanııalardyń mamandary tranzıttik jolaýshylarǵa qoıylatyn talaptardyń jeńildeýin kishigirim jeńiske jetý dep ataıdy. Týrıster Mysyrǵa, Meksıkaǵa jáne basqa elderge barý úshin túrik áýejaılaryn paıdalanýdy jalǵastyra alady.