Elimizdiń bolashaǵy jastardyń qolynda

Elimiz úshin ana tilimizdiń de, keń-baıtaq dalamyzdyń da abyroıy asqaq. Prezıdent atap ótkendeı, «HHI ǵasyr – bilim men biliktiń dəýiri». Al «shynaıy pat­rıottyq sezimmen rýhtanyp, qasıetti təýel­sizdigimizdi odan əri nyǵaıta túsý úshin birlese jumys isteý» de mańyz­dy. Osylaısha, jastardy eńbekke, bilimge úndeı otyryp, atqarar istiń mańyz­dylyǵyn atap ótken Memleket basshy­synyń el tarıhyn tereńnen taný máse­lesine toqtalýynyń máni tereńde jatyr. Tarıhyna, salt-dástúrine qanyǵyp ós­ken urpaqtyń keleshegi kemel. Ájesiniń ertegisin estip ósken, arǵymaq minip shyńdalǵan árbir qazaq balasy «ba­tyr» degen atqa ábden laıyq. Osy tusta elý jyldan astam tarıhy bar bir ǵana «Qyz Jibek» fılminen qazaq hal­qy­nyń turmys-tirshiligi, ónege-bolmy­sy, batyrlyǵy, qolóneri jaıynda qan­shama qundy málimet alýǵa bolatynyn aıta ketken abzal. Al kıno qorymyz mun­daı maǵynaly da mazmunǵa baı qanshama qundy jobalarǵa baı, aldaǵy kúnderde júzege asatyndary taǵy bar.

Bul ul­tymyzdyń osynaý ónegeli ómirin, tir­shi­lik tájirıbesin ulttyq jobalar arqyly keńinen dáripteýdiń kezi kelgenin kórsetedi. Al ulttyq ádebıetimizdiń, mádenıetimizdiń odan ári damýyna jastardyń belsendi atsalysýy ýaqyt suranysynan týyndap otyr. Memleket bas­shysy osy oraıda týǵan elimizdiń asyl muralaryn ıgiligimizge paıdalanýǵa ún­deı otyryp, osy toqymdaı jerdiń bir ýys topyraǵynan nár alǵan árbir qa­zaq balasy janyn aıamaı eńbek etse, bilim alsa degen maǵynaly tereń oıdy qoz­ǵaı otyryp, eldiń erteńine degen alańdaý­shy­lyǵyn bildiredi. Sondyqtan da Qazaq­stan­daı álemge tanylǵan ǵajap eldiń ul-qyz­darynyń erteńi «Bir jaǵadan bas, bir jeńnen qol shyǵarǵan» berekeli bola­shaqpen ǵana óriletini haq.

Asanáli ÁShIMOV,

Qazaqstan jáne KSRO halyq ártisi, Qazaqstannyń Eńbek Eri