Senat depýtaty Aqylbek Kúrishbaev Nur-Sultan qalasyndaǵy Aqan Qurmanov atyndaǵy №17 mektep-gımnazııasynda ustazdarymen kezdesti, dep habarlaıdy Egemen.kz.
Senator bilim oshaǵynda bolǵan kezdesý barysynda bilim berý barysyndaǵy aýqymdy máseleler men jastar saıasatyna qatysty baǵdarlamalardy jan-jaqty talqyǵa saldy.
Depýtat L.N.Gýmılev atyndaǵy Eýrazııa ulttyq ýnıversıteti qyzmetkerlerimen de júzdesti. Kezdesýge professorlar Jandarbek Málibekuly, Serik Negımov, Dıhan Qamzabekuly, akademık Sataı Syzdyqovtar qatysty.
Aqylbek Kúrishbaev Memleket basshysy óz maqalasynda sóz etken bilim berý men jastar tárbıesi máselelerine qatysty oılarymen de bólisti. Senator maqalada árbir qazaqstandyqtyń kókeıindegi ishki jáne syrtqy saıasat týraly mańyzdy suraqtardyń negizgi jaýaptary jınaqtalǵanyn atap ótti.
Senat depýtaty kezdesý barysynda professor-oqytýshylardyń suraqtaryna jaýap berdi.