«URANkz» respýblıkalyq qoǵamdyq birles tiginiń ókilderi men Qazaqstan Halyq partııasy atynan Parlament Májilisiniń depýtattyǵyna kandıdattardy biriktirgen «Qyzyl avtobýc» Qaraǵandy qalasynyń mańyndaǵy Sarytóbe aýylynda boldy. Eldi-mekende 700-ge jýyq adam turady. Olardyń basty máselesi – ınternettiń, aýyz sýdyń jáne jaıylym jerdiń joqtyǵy.
Jergilikti turǵyndardyń aıtýynsha, olar kúnde uńǵymadan sý alý úshin 11 shaqyrym qashyqtyqty jaıaý júrýge májbúr. Qysta boran men aıaz kúsheıgen kúnderi bul jumys qıynǵa soǵady. Sarytóbedegi jerasty sýy óte ashy, ishýge jaramsyz eken.
Turǵyndardyń jalǵyz kún kórisi – mal sharýashylyǵy. Alaıda aýyldyń aınalasyndaǵy jer jekemenshikke satylǵandyqtan, mal jaıý, mal basyn kóbeıtý qıyn bolyp otyr. «Internet joq. Bizge kúsheıtkishi bar symsyz ınternetti ornatýdy usyndy. Biraq ol biz úshin qymbat. Biz kórshi aýyldaǵy sııaqty qoljetimdi baǵada symdy ınternet tartylǵanyn qalaımyz», deıdi Asqar esimdi jergilikti turǵyn.
Turǵyndar jergilikti bılik ýádesin oryndap, bıyl aýylǵa aýyz sý keledi dep úmittenedi. «Qazaqstan Halyq partııasynyń urany: Halyq. Jer. Ádildik. Jer – halyq úshin mańyzdy. Elimizdiń ár turǵynyna qatysty ádildik bolýy kerek. О́kinishke qaraı, kóp jaǵdaıda atqarýshy bılik tıisti jumys istemeıdi. Jaqsy memlekettik baǵdarlamalar bar. Alaıda olar durys júzege asyrylmaıdy. Biz aldaǵy ýaqytta qoǵamdyq baqylaýdy engizgimiz keledi. Halyq jergilikti bıliktiń jumysyn qadaǵalaıtyn bolady», deıdi Qazaqstan Halyq partııasy atynan Májilis depýtattyǵyna úmitker Faızolla Qamenov.
Sondaı-aq «Qyzyl avtobýs» osy óńirdegi Sheshenqara aýylynda da boldy. Májilis depýtattyǵyna kandıdattar jáne bir top jýrnalıster men blogerler aýyl turǵyndarymen kezdesip, olardyń shaǵymdaryn tyńdady.