Almaty qalasy TJD bastyǵynyń atyna Medeý aýdany Zenkov kóshesinde turatyn almatylyq azamattan Tátibekov kóshesinde ornalasqan dúkennen shyqqan órtti jedel arada sóndirgen №5 mamandandyrylǵan órt sóndirý bólimi men № 7 órt sóndirý bóliminiń qyzmetkerlerine alǵys aıtqan hat kelip tústi, dep habarlaıdy Egemen.kz.
2020 jylǵy 14 jeltoqsanda saǵat 00.45-de órt sóndirý kólikteri órt shyqqan oqıǵa ornyna jiberildi. О́rt sóndirýshiler 4 mınýttyń ishinde kelgende 50 sharshy metr aýmaqta «Muhtar» azyq-túlik dúkeniniń shatyry janyp jatqanyn anyqtaldy. Ottyń janyp jatqan dúkenniń ońtústik jaǵynda jarty metr qashyqtyqta ornalasqan eki turǵyn úıge taralý qaýpi týyndady. О́rtti sóndirýge jáne jaqyn ornalasqan turǵyn úılerdi ottan qorǵaý úshin órt oqpandary jiberildi. Otpen kúresýshiler gaz keskish arqyly úıdiń shatyryn ashyp órt oqpandaryn órt oshaǵyna tikeleı baǵyttaǵandyqtan órt tez arada sóndirilip, jarty saǵattyń ishinde tolyqtaı joıyldy. Qabyldanǵan sharalar arqyly qyzyl jalynnyń taýarly-materıaldyq qundylyqtar saqtalǵan dúken ǵımaraty men atelege jaıylýyna jol berilmedi.
«Men №7 О́SB men №5 MО́SB ujymyna úlken alǵys aıtamyn jáne aýyr eńbekteri men kásibı sheberlikterine rahmet aıtqym keledi. Olardyń uıymdastyrylǵan, jedel túrde atqarǵan jumystaryn syrtynan baqylap turǵanda óte jaqsy áser qaldyrdy, órt jaýyngerlerine zor densaýlyq jáne eńbekterine tabys tileımin», - dep jazylǵan almatylyq azamattyń hatynda.