«Qazaqstan Respýblıkasyndaǵy saılaý týraly» Konstıtýsııalyq zańyna sáıkes tergeý ızolıatorlarynda ustalatyn, úkimi zańdy kúshine enbegen QR kámeletke tolǵan azamattary jalpyǵa birdeı belsendi saılaý quqyǵyna ıe, dep habarlaıdy Egemen.kz
Tergeý-qamaýyndaǵy adamdardyń quqyqtaryn iske asyrý maqsatynda respýblıkanyń qylmystyq-atqarý júıesiniń 16 tergeý ızolıatorynda ornalasqan jeri boıynsha saılaý okrýgterine kiretin jabyq saılaý ýchaskeleri quryldy, onda 5 myńnan astam adam Qazaqstan Respýblıkasynyń kezekti Parlamenttik saılaýynda daýys berýge qatysyp jatyr.
Saılaý prosesi ótetin úı-jaılarda tıisti baqylaý, kúzet jáne qadaǵalaý qamtamasyz etilgen.Saılaý prosesine qatysýshylar barlyq qajetti sanıtarııalyq-epıdemııaǵa qarsy talaptardy saqtaǵan.
Aǵymdaǵy jylǵy 5 qańtardaǵy jaǵdaı boıynsha qyzyl jáne sary aımaqtarda bolǵan óńirlerde saılaý komıssııasynyń barlyq músheleri, onyń ishinde baıqaýshylar da aldyn ala PTR-ádisimen COVID-19-ǵa zerthanalyq tekserýden ótti.
Sonymen qatar, jabyq saılaý ýchaskelerine kirý tergeý ızolıatorlarynyń qyzmetin reglamentteıtin normatıvtik quqyqtyq aktilerge jáne «Qazaqstan Respýblıkasyndaǵy saılaý týraly» Konstıtýsııalyq zańyna sáıkes júrgizildi.
Qazirgi ýaqytta respýblıkanyń tergeý ızolıatorlarynda 6 myńǵa jýyq adam ustalýda.