Saılaý naýqany aıasyndaǵy úgit-nasıhat jumystarynan buqaralyq aqparat quraldary arqyly únemi habardar bolyp otyrdym. Burynǵyǵa qaraǵanda partııalardyń belsendiligi, ortaq máselelerdi sheshý baǵytyndaǵy izdenisteri erekshe ekendigi baıqalady. Bul óte durys, óıtkeni, partııalar arasynda básekelestik kúsheıgen saıyn olar elge jaqyn bolýǵa tyrysady, jańa ıdeıalar usynyp, ony oryndaýǵa erekshe mán beredi. Jergilikti jurtpen etene aralasatyn máslıhat depýtattarynyń da partııalyq tizim boıynsha saılanýy olardyń el aldyndaǵy jaýapkershiligin eselep arttyra túsedi.
Bul naýqannyń taǵy bir ereksheligi pandemııa jaǵdaıynda ótip jatqandyǵy ǵoı. Soǵan oraı sanıtarlyq talaptarǵa basa mán berilip, úıden daýys beretinder úshin de barlyq jaǵdaı jasalǵanyna kóz jetkizdik.
Jalpy kez kelgen memlekettegi saıası júıe ýaqyt talabyna saı jańaryp, tolyǵyp otyrýy tıis. Osy turǵydan alǵanda bıylǵy saılaýdaǵy jańalyqtardy jurt jaqsy qabyldady degen oıdamyn. Endi eldiń senimin aıaq asty etpeý úshin partııalar da baryn salady, óz ortalarynan qazirgi talaptardy tereń túsinip, sony sheshý jolynda utymdy usynys, paıymdy pikir bildire alatyn lıderlerdi saılaıdy dep senemin.
Jalpy bul saılaý eldiń erteńge degen seniminiń kórinisindeı boldy. Al ony aqtaý halyq qalaýlysy atanýǵa talap qylǵan barlyq azamatqa syn.
Baqbergen DOSMAMBETOV,
memleket jáne qoǵam qaıratkeri,
ekonomıka ǵylymdarynyń doktory, professor,
Ulttyq ǵylym akdemııasynyń korrespondent múshesi