Saılaý qorytyndysy shyǵaryldy

Ortalyq saılaý komıssııa­sy tóra­ǵasynyń orynbasary Kons­tantın Petrov  saılaý ýchas­ke­lerindegi saılaý­shy­lar tizim­derine 11 919 241 azamat en­ge­­nin habarlady. Olardyń ishin­de 7 539 280 adam nemese saılaý­shylardyń 63,25 paıyzy saılaý bıýlletenderin alǵan. Daýys berýge 7 389 153 adam qatys­­qany belgili boldy, onyń ishinde esep­ten shyǵarý kýálikteri boıynsha 13 677 saılaýshy daýys berdi.

Saıası partııalar boıynsha Qa­zaq­stan Halyq partııasy – 659019 (9,10 paıyz), Nur Otan par­tııa­­sy – 5 148 074 (71,09 paıyz), «Aýyl» halyqtyq demo­­kra­tııa­lyq pat­rıottyq partııasy – 383 023 (5,29 paıyz), «Aq jol» demo­kra­­tııa­lyq partııasy – 792 828 (10,95 paıyz), ADAL saıası partııa­sy – 258 618 (3,57 paıyz) daýys jınaǵan.

Sondaı-aq Parlament Má­ji­lisi depýtattaryn saılaýda úsh saıası partııa ıe bolǵan mandattar sany jarııalandy. Nur Otan, «Aq jol» jáne Qazaqstan Halyq partııasy jeti paıyzdyq mejeni eńserip, Qazaqstan Parlamentine joldama aldy. Qorytyndy boıynsha Nur Otan partııasy – 76, «Aq jol» demokratııalyq partııasy – 12, Qa­zaq­stan Halyq partııasy – 10 mandatqa ıe boldy.

Otyrys barysynda Par­la­ment Májilisine Qazaqstan halqy Assam­bleıa­synan saılanǵan depýtattar belgili boldy. 11 qańtarda ótken QHA saılaıtyn Májilis depýtattaryn saılaý nátıjesi bo­ıynsha 9 depýtat anyqtaldy. Olar­dyń ishinde Saýytbek Abdrah­­manov – 298 (84,9 paıyz), Avetık Amır­hanıan – 270 (76,9 paıyz), Ilıas Býlarov – 274 (78,1 paıyz), Na­talıa Dementeva – 292 (83,2 paıyz), Iýrıı Lı – 282 (80,3 pa­ıyz), Vakıl Nabıev – 285 (81,2 pa­ıyz), Shamıl Osın – 271 (77,2 paıyz), Vladımır Tohtasýnov – 277 (78,9 pa­ıyz), Abılfas Hamedov 290 (82,6 pa­ıyz) daýysqa ıe boldy. Saılaýshylar tizimine engen 509 azamattyń 351-i nemese 68,9 paıyzy daýys berýge qatysty.

Sondaı-aq keshe Ortalyq saılaý komıssııasy (OSK) máslıhattar de­pý­tat­tarynyń kezekti saılaýynyń qory­tyn­dysyna arnalǵan otyrys ótkizdi.

Jıynda máslıhattar depýtattary saılaýynyń qory­tyn­dysy men de­pý­tattyq mandattardy bólý máselesi qaraldy. OSK tóraǵasy Berik Imashev óz sózinde máslıhattar depýtattarynyń saılaý qorytyndylaryn aýmaqtyq saı­laý komıssııalary anyqtaıtynyn atap ótti. El­degi 216 máslıhat boıyn­sha ju­mysty oblystardyń, Nur-Sul­tan, Almaty, Shymkent qala­larynyń aýmaqtyq saılaý komıssııalary júr­giz­gen. Osy máselege qatysty komıssııa músheleri aýmaqtyq saılaý ko­mıs­sııalarynyń esepterin tyń­dady.

«Saılaý naýqanynda atqa­rylǵan jumystar úshin bar­shań­yzǵa alǵys aıtamyn. Osy arqy­ly máslıhattar bo­ıynsha saılaý naýqanyn aıaqtadyq. Máslı­hattar depýtattary alǵash ret pro­por­sıonaldy saılaý júıesi bo­ıynsha saılandy. Bul – 2007 jyl­ǵy konstı­týsııalyq reformanyń qısyndy jalǵasy, respýblıkalyq jáne jergilikti deńgeılerde ókildi organ­dardy qa­lyp­tastyrý jónindegi tásil­derdi biriz­dendiredi», dedi Berik Ima­shev. Onyń aıtýynsha, Saılaý týra­ly zańǵa sáı­kes depý­tattyq man­dat­tardy bólý kezek­­tiligin saıası par­tııa­nyń tıis­ti fı­lıalynyń basshy or­gany saılaý qory­tyndylary jarııa­­lan­­ǵan kúnnen bastap bes kúnnen ke­shik­tir­meı aıqyndaıdy.

Máslıhattar depýtattaryn saılaý qorytyndylary týraly habardy tıisti aýmaqtyq saı­laý komıssııalary jergi­likti buqaralyq aqparat qural­darynda jarııalaıdy.

Otyrysqa saıası partııa­lar­dyń ókil­­deri, beınekonferens-­baı­lanys re­ji­minde oblystar­dyń, Nur-Cultan, Al­maty já­ne Shymkent qalalarynyń aý­maq­tyq saılaý komıssııalary qa­tysty.