Atyraýdaǵy túrmege qamalǵandar úshin onlaın-dúken jumys isteıdi.
ÝG-157/1 mekemesi arnaıy kontıgent arasyndaǵy tárbıe jáne áleýmettik-psıhologııalyq jumysy bóliminiń bastyǵy Qalamqas Áshirhannyń aıtýynsha, tergeý ızolıatoryndaǵy azamattar úshin týystary onlaın-dúkennen tapsyrys bere alady.
«Mekemede sotqa deıin ýaqytsha ustalyp otyrǵandar men jazasyn óteý úshin sharýashylyq qyzmetine qaldyrylǵandar bar. Endi olardyń týystary úıden shyqpaı-aq, arnaıy qosymsha arqyly taýarlardy tańdaýyna bolady. Sodan soń tańdaǵan taýarlardyń tizimin mekemege jiberedi. Mekememen kelisim-shartqa otyrǵan jeke kásipker berilgen tapsyrysty qabyldaıdy. Al taýar birneshe saǵattyń ishinde sottalǵan nemese kúdikti retinde otyrǵan azamattyń qolyna jetedi» deıdi Qalamqas Áshirhan.