Haınan provınsııasynyń Boao qalasynda ótken Boao Azııa forýmynyń 25-shi sessııasy sheńberinde Premer-mınıstrdiń birinshi orynbasary Roman Sklıar Qytaı Halyq Respýblıkasynyń Búkilqytaılyq halyq ókilderi jınalysy Turaqty komıtetiniń tóraǵasy Chjao Leszımen kezdesti. Kezdesýde ekijaqty yntymaqtastyqtyń negizgi baǵyttary men ózekti máseleleri talqylandy, dep habarlaıdy Egemen.kz.
Taraptar saıası dıalogtyń joǵary deńgeıin atap ótip, saýda-ekonomıkalyq áriptestiktiń qarqyndy damyp kele jatqanyn jetkizdi. Roman Sklıar qytaılyq áriptesin «eki sessııanyń» tabysty ótýimen jáne Qytaıdyń 2026-2030 jyldarǵa arnalǵan áleýmettik-ekonomıkalyq damý josparynyń qabyldanýymen quttyqtady.
Qytaı Syrtqy ister mınıstrligi Qazaqstandy jańa Konstıtýsııa boıynsha ótken referendýmmen quttyqtady
Sonymen qatar ol 2026 jylǵy 15 naýryzda ótken respýblıkalyq referendým nátıjeleri týraly aqparat berip, onyń Qazaqstannyń odan ári damýy úshin mańyzyn atap ótti. Kezdesý barysynda parlamentaralyq baılanystardyń nyǵaıýy, sondaı-aq ınvestısııa, kólik jáne energetıka salalaryndaǵy ózara is-qımyldyń keńeıýi sóz boldy.
Chjao Leszı óz kezeginde Qytaı tarapynyń Qazaqstanmen máńgilik jan-jaqty strategııalyq áriptestikti joǵary baǵalaıtynyn aıtyp, eki el arasyndaǵy qatynastardyń ózara senimge negizdelgenin atap ótti. Sondaı-aq ol Qazaqstanda júrgizilip jatqan reformalar men Qasym-Jomart Toqaev bastamalaryna qoldaý bildirdi.
Kezdesýde halyqaralyq kún tártibi de nazardan tys qalǵan joq. Taraptar BUU, ShYU, AО́SShK jáne «Ortalyq Azııa – Qytaı» formattary aıasyndaǵy yntymaqtastyqtyń mańyzyn erekshe atap ótti.
Jalpy, kelissózder Qazaqstan men Qytaı arasyndaǵy strategııalyq seriktestikti odan ári tereńdetýge baǵyttalǵanyn kórsetti.
Qytaı aldaǵy 15 jylda qalaı ózgeredi?