Aqtóbe oblysynda kóligi buzylyp, jolda qalǵan Qytaı azamatyna polıseı der kezinde kómek kórsetip, onyń saparyn jalǵastyrýyna jaǵdaı jasady. Sheteldik azamat kórsetilgen qoldaý úshin alǵysyn bildirdi, dep habarlaıdy Egemen.kz.
Oqıǵa Shalqar qalasynda bolǵan. Kóshi-qon polısııasynyń qyzmetkeri Dastan Ermekbaev qyzmet barysynda kóshelerdiń birinde jol jıeginde toqtap turǵan sheteldik nómirli avtokólikti baıqaıdy. Polıseı júrgizýshige jaqyndap, jaǵdaıyn suraǵan.
Jambyldyq polıseıler qustarǵa uıa salyp berdi
Belgili bolǵandaı, Qytaı azamaty Qazaqstan aýmaǵynda saıahattap júrgen. Alaıda Shalqarǵa kelgende onyń kóligi tehnıkalyq aqaýǵa ushyrap, qozǵalys kezinde óship qalǵan.
Polısııa qyzmetkeri júrgizýshige kólikti bólim ǵımaratynyń aldyna deıin jetkizip, aqaýdy joıýǵa kómektesýdi usyndy. Jedel kórsetilgen kómektiń arqasynda kólik joldyń júris bóliginen shyǵarylyp, ózge júrgizýshilerge kedergi keltirýdiń aldyn aldy.
Qostanaı oblysynda polıseıler muz astyna túsip ketken eki balyqshyny qutqardy
Nátıjesinde sheteldik azamat saparyn jalǵastyryp, polıseıge qamqorlyǵy men der kezinde kórsetken kómegi úshin shynaıy alǵysyn jetkizdi.
Pavlodar oblysynda kıberpolıseıler zeınetkerdiń 5 mln teńgesin alaıaqtardan saqtap qaldy