Atyraý oblysynyń turǵyny óziniń ákimdik qyzmetinen bas tartyp, qazir polıseı bolyp júr, dep habarlaıdy Egemen.kz
Zınel Kaırov ýnıversıtetti «tarıh muǵalimi» mamandyǵy boıynsha bitirip, Maqat aýdanyndaǵy mektepte jumys istegen. Sodan keıin ol osy aýdannyń Baıgetóbe aýyldyq okrýginiń ákimi bolyp taǵaıyndalǵan.
Qazir ol aǵa leıtenant qyzmetin atqaryp júrgen ol eki jyl buryn óziniń bala kezdegi armanyn oryndaý úshin qyzmetinen ketýge sheshim qabyldapty.
Eks-ákim ishki ister organdaryna qyzmetke ornalasyp, Atyraý aýyldyq okrýginiń Jańatalap aýylynyń ýchaskelik polısııa ınspektory boldy.
«Qyzmettik mindetterin oryndaý kezinde túrli jaǵdaılarǵa tap bolamyz. Urlyq, tóbeles, ishimdik ishý jáne basqa da kóptegen qylmys pen quqyqbuzýshylyqtar. Meniń oıymsha, bul kóbine halyqtyń ishki mádenıetiniń tómendiginen týyndaıdy. Osy jaǵdaılardyń aldyn alý maqsatynda biz únemi aýyl turǵyndary arasynda túsindirý jumystaryn júrgizemiz. Bizdiń basty mindetimiz - qoǵamdyq tártipti qamtamasyz etý, barynsha zańbuzýshylyqtardyń aldyn alý. Balalardy tárbıeleýge erekshe kóńil bólemiz», deıdi Kaırov.