Elordada kommýnaldyq tólem baǵasy aıaq astynan negizsiz ósti degen pikirge qatysty qala basshysy jaýap berdi, dep habarlaıdy Egemen.kz
«О́tken jyldyń jeltoqsan aıynda kúnniń kúrt sýytýyna baılanysty, kómir ádettegiden kóbirek jaǵyldy. Mysaly, qarasha aıynda kúnine 150 vagon kómir jaǵylsa, jeltoqsan aıynda 350 vagon kómir jaǵyldy. Sáıkesinshe shyǵyn da kóp degen sóz. Iаǵnı barlyǵy da aýa-raıyna baılanysty bolyp otyr», dedi elorda ákimi Altaı Kólginov tilshilerdiń suraqtaryna jaýap bere turyp.
Sondaı-aq, ákim aýa-raıynyń ózgerýine qaramastan, kommýnaldyq tólem baǵasy óspeıtinin aıtty.
«Qazirgi ýaqytta elordada kommýnaldyq tólem baǵasy burynǵysynsha, baǵa ózgergen joq jáne ázirge ózgermeıdi. Bul týraly óz atymnan resmı túrde málim etemin», deıdi ol.
Eske sala ketsek, osydan birer kún buryn elordalyqtar áleýmettik jeli arqyly kommýnaldyq tólem baǵasynyń aıaq astynan negizsiz qymbattaǵany týraly shaǵym bildirgen bolatyn.