2020 jylǵy jeltoqsan aıyndaǵy halyqtyń ınflıasııalyq kútýleri boıynsha QRUB Aqsha-kredıt saıasaty departamentiniń dırektor orynbasary Denıs Chernıavskıı pikir bildirdi, dep jazady Egemen.kz.
Jeltoqsan aıynyń qorytyndysy boıynsha halyqtyń ınflıasııalyq kútýleri birshama tómendedi. 2020 jyly jeltoqsanda ınflıasııalyq kútýlerdiń sandyq baǵasy bir jyl alǵa, ıaǵnı 7,6%-dy qurady (2020 jylǵy qarashada – 7,8%).
Kelesi 12 aı ishinde baǵanyń qazirgi ósý qarqynynyń saqtalýyn ne baǵanyń neǵurlym jyldam ósýin kútetin respondentterdiń úlesi 50%-ǵa deıin (2020 jylǵy qazanda 52%) tómendedi. Belgisizdik deńgeıi úshinshi aı qatarynan joǵary deńgeıde saqtalýda – respondentterdiń 29%-y óz kútýlerin baǵalaýǵa qınaldy (qarashada – 31%).
Bul rette ótken aıda baǵanyń ósýin baǵalaýda azyq-túlik ónimderine (2020 jylǵy jeltoqsanda – 88%, qarashada – 85%), atap aıtqanda, ósimdik maıyna, nan-toqash ónimderi men jarmaǵa baǵanyń jyldam ósýin atap ótken respondentterdiń úlesi joǵary boldy.
Tutynýshylardyń kóńil-kúıiniń jaqsarý tendensııasy qazirgi qarjylyq jaǵdaıdy jaqsy baǵalaý men ekonomıkalyq damýdyń oń nátıjeleri arqasynda qalyptasyp otyr. Jeltoqsanda iri kólemde satyp alýǵa degen daıyndyq birshama ósti, degenmen, is júzinde sońǵy úsh aıda satyp alý sany azaıdy.