Aljır men Marokko terrıtorııasyndaǵy shólde qar jaýdy, dep habarlaıdy Egemen.kz
Eki arab memleketiniń meteorologııalyq qyzmetteri habarlaǵandaı, qańtar aıynda túsken qardyń kóp mólsheri Aljır men Marokkonyń birqatar aımaǵynda áli kúnge deıin qalyp otyr.
Nátıjesinde, shóldiń keń aýmaqtary qarly borandar men muzdaǵan kólderi bar aq keńistikke aınaldy.
Eki eldiń taýly aımaqtarynda jyl saıyn qar jaýyp, ádette kóktem bastalǵanǵa deıin qar taý bókteri men shyńdarynda bolatyn. Alaıda, bul joly jaýyn-shashyn mol bolyp otyr.
Aıta ketsek, qar Saharanyń keıbir jerlerine de jetken. Soltústik Afrıkalyq qystyń ekzotıkalyq kórinisterin tamashalaý úshin kúndelikti týrıster men fotograftar kelip jatyr.
Aıtolqyn MYRZAKERIM